Skip to main content

Kreutzmann angusaqarluarnissaminik takorluugaqarpoq

Assammik arsarluni nunanut allanut unammisartoq Angutimmarik Kreutzmann angusaqarluarnissaminik takorluugaqarpoq

Angutimmarik Kreutzmann Kalaallit Nunaat kingullermik nunarsuarmi pissartanngorniuttoqarneranut 2007-imi peqataammat ilaavoq. Tysklandimi pissartanngorniuttoqarpoq. Ullumikkut nunanut allanut unammisatuusuni allat pingasut aamma taamanikkut peqataasut tassaapput: Miki Heilmann Minik Dahl Høeghilu aamma sungiusaasumut ikiorti Rasmus Larsen.

Siuttut unamminerat

Angutimmarik Kreutzmann TIK Taastrup Håndboldimi, 2. division Østimi unammisartuusuni assammik arsartartuuvoq. Angutimmarik Kreutzmann unammisartoqatinilu sapaatiummat Nyborgimi SUS Nyborgimut unammippput. Unamminerup aallartinnginnerani angerlarsimaffimminni unammisut siuttuupput TIK Taastrup Håndboldilu nummer tre-tut inissisimalluni. Unammineq naammassimmat inissisimaffiit taakku nikinngillat. SUS Nyborg 28-23-raarlutik unamminermi ajugaapput.

Ajoraluartumik Angutimmarik Kreutzmann unamminermi ajutoorpoq. Unamminerup affaa siulleq qiteqqutilersoq ajoquserpoq. Tusialluni anniaqalunilu arsaaffimmit anisariaqarsimavoq, taamalu assammik arsartartutu misilittagartooq unammeqataaqqinngittoorluni.

Angutimmarik Kreutzmannilli ajutuunnginnermini sungiusarluarsimanini takutippaa. Pingasoriarlunimi isertitseriarami marlunnik isertitsivoq.

Angutimmarik Kreutzmann unammineq naammassimmat soorunami ugguaqisoq naapipparput.

- Ajoraluartumik ajoqutitoqara ajorteqqikkami. Qaammatip ataatsip matuma siorna nunanut allanut unammisartut katersuukkattali ippigaara. Eqqissisimaarnissaq kisimi iluaqutaasinnaavoq, taamammat sapaatip akunneri marluk eqqissisimatittariaqassavara.

Nunanut allanut unammisartut 

Angutimmarik Kreutzmann 2007-mi Tysklandimi nunarsuarmi pissartanngorniuttoqarmat nuannerluinnartunik misigisaqartarsimavoq. Taamani 18-iinnarnik ukioqarpoq,  Kalaallillu Nunaata arfinileriarluni unamminerani 49-nik isertitaqarami unammersuartuni isertitaqarnerpaasimalluni.

- Misigisaavoq annertoorujuk misileqqikkusulluinnagara. 2021-mi nunarsuarmi pissartanngorniunnissaq Egyptenimi aamma nuannersunik eqqaamasaqarfigisanni ingerlanneqassaaq. 2009-mi taqqavaniippugut U21-llu nunarsuarmi pissartanngorniunneranni unammilluta. 

Angutimmarik Kreutzmann Kalaallillu Nunaanni nunanut allanut unammisartut nunarsuarmi pissartanngorniunnermut peqataaqqissagunik, Amerikap avannaamiuisa caripiamiullu anngunniullutik Mexicomi apriilip qaammataani unammersuarneranni ajugaasariaqarput.

Angutimmariks Kreutzmannip takorluugaa piviusunngussappat tamakkiisumik piareesartoqartariaqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER