Skip to main content

Kræftimut akiuiniarneq ukioq manna aamma pissaaq

Kræftimik eqqugaasimasut taakkulu ilaqutaat ikiorniarnissaannut atugassanik Neriuffik kingumut ukioq manna katersuiniarniarpoq. Maajip arfernani Katuamit toqqaannartumik aallakaatitsisoqassalluni.

Neriuffiit Kattuffiat ukioq manna nappaammik kræftimik eqqugaasimasut qanigisaallu sammineqaqqissapput. Tassungalu atatillugu ilaatigut ulloq 6. maj kulturikkut illorsuarmi Katuami isiginnaartitsisoqassalluni.

”Ini isersimaarfik” toqqissisimatitsissaaq

Neriuffik ukiuni kingullerni siunnersuisarfimmik pilersitsiniarluni sulissuteqarsimavoq. Siunnersuisarfillu taajuuserneqarsimalluni Ini isersimaarfik.

Kræftimillu napparsimasut amerlanerpaartai ikiorniarlugit Nuummi siulleq pilersinniarneqarpoq peqqinnissaqarfiup qanittuanut inissillugu. Tassani nappaassuarmik napparsimasut taakkulu ilaqutaat siusinnerusumik aallartittumik ikiorneqarnissaat siunertaralugu. Periuseq Qallunaat Nunaanni ilisimaneqarpoq atugaalluarlunilu, tassani Kræftens bekæmpelse aammalu Realdania kræftertunut siunnersuisoqarfinnik sanaartorsimapput, taakkulu inissinneqarsimallutik kræftertut immikkoortortaqarfiisa qanittuinut.

Upernaami aaqqiisoqarnissaa kissaatigineqarpoq

Pilersaarut pillugu Sara J. Brandt Neriuffiit Kattuaffianni arnaq siuttuusoq Peqqinnissamut Ministeriusumut oqaloqatigiinnereersimavoq, pilersaarullu Naalakkersuisoqarfimmiit ajunngitsumik isigineqarpoq.

Atuaruk: Amerlanerit inalugarsuarmikkut kræfteqalersartut

Inatsisartullu upernaamut katsersuunnissaannut Ini isersimaarfik eqqartorneqarnissaa Neriuffimmiit neriuutigineqarpoq.

Nuummi ”Ini isersimaarfik” inissinneqarnissaata saniatigut siunnersuisunik suleqatigiinnik sinerissamut angalaartussanik kræftimik eqqugaasimasumut ilaqutaasut angerlarsimaffiini oqaloqatigineqartarnissaat pilersaarutigineqarpoq.

Neriuffiup Kattuffia taperseruk

Ajunngitsumik siunertaqarneq pissutigalugu Sermitsiaq.AG-p qanoq tapersersuilluni aningaasanik qanoq tunissuteqartoqarsinnaanera ingerlateqqippaa:

SMS-erit eqquillutillu

STOP A 1880-mut sms-erutigiuk tapeeqataallutillu 100,- tassanilu eqqorneqarsinnaapput errorsiviit imaluunniit assigisaat Elplus-meersut 10.000,- nalaanut.

STOP B 1880-mut sms-erutigiuk tapeeqataallutillu kr. 100,- tassanilu Siniffimmut qullarsinnaasumut eqquinissaq periarfissaavoq, naleqartoq kr. 30.000,- taannalu Sweet Home Garantimeerpoq.

STOP A 1880-mut sms-erutigiuk tapeeqataallutillu kr. 150,- tassanilu eqqorneqarsinnaavoq biili VW UP Nuuk Auto-miit, naleqarporlu kr. 140.000,- sinnerlugu

Apriilip 30-ani matunut kasuttoqattaarnermi aamma aningaasanik katersisoqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER