Skip to main content

KRÆFTI UNITSILLI - tamatta eqqortarpaatigut

Arfininngorpat Neriuffik nuna tamakkerlugu katersuiniassaaq, taaguutilimmik ´KRÆFTI UNITSILLI - tamatta eqqortarpaatigut´

Arfininngorpat Neriuffiup kræftimik nappaatilinnut ilaqutaannullu nuna tamakkerlugu katersuiniarnerani tapersersueqataasinnaavutit, peqatigiiffik tusagassiorfinnut nalunaarummi allappoq.

Neriuffik 2014-imi katersuiniarnermi 2.487.964 koruuninik angusaqarpoq.

Atuaruk: Kalaallit Nunaanni katersuiniarnermi 2.487.964 koruunit isertinneqarput

Ukioq manna nuna tamakkerlugu katersuiniarneq pingaarnertut naggaserneqassaaq arfininngorpat marsip 7-aanni nal. 20.00 KNR-ikkut aliikkusersuinertalimmik katersuiniarnersuarmik.

Ukioq manna tamanna Nuup Universitetianit aallakaatinneqassaq. Tassani katersuiniarnermi isertitat katersorneqassapput, inuinnaallu tapiissuteqartut akornanni akissarsiassanik makitsisoqassaaq.

Katersuiniarneq toqqaannartumik aliikkusersuinertalik

Katersuiniarnerup nalaani tamarmi erinarsortartunik aliikkusersuisartunillu toqqaannartumik aliikkusersuisoqartassaaq, Juaaka Lyberthimit aqunneqartumik.

– Ukioq manna akissarsiassat ilimagisatsinnit amerlanerujussuupput, nuannaarutigaarpullu inuussutissarsiortunit tapersersorluarneqarsimanerput, Neriuffik tusagassiorfinnut nalunaarummi allappoq.

Siunertamut pitsaasumut tunisigit akissarsillutillu

Sms-ikkut 1880-imut STOP A-mut 50 kr.-inik tunisisut akornanni puisip amianik kavaajaq makitsissutigineqassaaq. Taassuminnga tunisisuuvoq Mogens Alex Petersen

Sms-ikkut 1880-imut STOP B-mut 100 kr.-nik tunisisut akornanni makitsissutigineqassaaq siniffik Tempur elevationsseng, 40.000 koruunit sinnerlugit nalilik. Taassuminnga tunisisuuvoq Sweet Home Garant

Sms-ikkut 1880-imut STOP C-mut 150 kr.-nik tunisisut akornanni makitsissutigineqassaaq VW UP, 140.000 koruunit sinnerlugit nalilik. Taassuminnga tunisisuuvoq Nuuks Auto

Suliffeqarfiit namminersortullu aningaasanik amerlanerusunik tunissurteqarsinnaapput, tunissuteqarusuttullu Neriuffik attaveqarfigisinnaavaat ukunatigut Neriuffik@greennet.gl imaluunniit tlf. 49 04 89.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER