kræftimut katersuiniarneq
Kræfti akiorniarlugu Nunarput tamakkerlugu katersuiniarneq
Kræftimik eqqugaasimasut qanigaasaallu ikiorniarlugit ukioq manna aamma Neriuffiit Katffuffiat katersuiniaqqissaaq. Aningaasanik katersisunut SMS-ikkulli tunisisoqarsinnaassaaq.
Nunatsinni Neriuffiit Kattuffiat, arfininngornermi ukiumoortumik katersuiniassaaq.
Tamanna toqqaannartumik nalunaaqutaq arfineq pingasuniik, KNR kulturikkut illorsuarmi Katuami toqqaannartumik aallakaatitsissammat.
Aningaasat Nunatsinni katersarineqarsimasunit ilaatigut saaffiginnittarfik 'Ini isersimaarfik' pilersinneqassaaq.
Saaffiginnittarfiup peqqissaaviup eqqaani inissisimanissaa siunertaavoq.
– Siullermik Nuummi pilersitsisoqassaaq tassani nappaassuarmik kræftimik eqqugaasimasut qanigisaallu siuisissukkut ikiorserneqartassallutik, Neriuffik allappoq.
Aningaasatigut ikiorsiineq
Suliniut Ini isersimaarfimmik atserneqarsimavoq, tassani eqqugaanikut immikkut isersimaffigisinnaasaannik pilersitsinissaq anguniagaalluni. Toqqissisimaneq, angerlarsimaffippalaarneq, ammaneq qanilaarnerlu tassani pingaartinneqarlutik.
Neriuffiit Kattuffiani siulittaasup Sara J. Brandt suliniut pillugu peqqissutsimut Ministeri oqaloqatigereesimavaa, Naalakkersuisoqarfimmiillu suliniut pitsaasutut isigineqarpoq. Siuliniut pillugu Inatsisartut upernaakkut ataatsimiinneranni oqaluuseriineqarnissaa naatsorsuutigineqarpoq.
Nuummi Ini Iserfimaarfiup saniatigut, siunnersuisartut illoqarfinni nappaassuarmut kræftimut eqqugaasimasut qanigisaasalu najuqarfiannut angalarsartussanik pilersinneqarnissaat kattuffimmiup pilersaarutaanut ilaavoq.
SMS-ikkut aningaasanik tunissuteqarsinnaaneq periarfissaajumaarpoq.