Kræftersimasoq: Eqqarsaatitit kisermaannagit
Kristen Ole Olsenimut ukiut kingulliit sakkortusimapput. Marloriarluni kræfti ajugaaffigigaa, qanigisaanut allaanerusimavoq. Nuliarigaluanilu inuunerup ingerlateqqinnissaanut isumaqatigiissutigisimasaa, annertuumik annaasaqareeraluarluni ingerlaneriaqqinneranut, toqqammaviliisuusimavoq.
Kalaallit pingasut sapatip akunneri tamaasa kalerrinneqartarput kræftimik napparsimasimalersimasut. Imaluunniit ukiumut inuit 170-it missaat. Tamanna Neriuffiit Kattuffiata kisitsisaataasa takutippaat, AG allappoq..
- Nakkarusukkuit nakkassaatit. Inuunerpummi nammineq aqussinnaavarput. Aamma qiarusukkuit qiasinnaavutit imaluunniit nilliarusukkuit nilliasinnaallutit.
Tassa 60-nik ukiullip K. Ole Olsenip oqaatsit najoqqutatut atortagai. Olemik taaneqartarluni ilisarisimaneqarnerusup.
Suna tamaat unittoq
Kisianni taassuma inuunera ukiuni tallimani kingullerni oqitsuinnaasimanngilaq. 2015-imimi februuarip qaammataani kalerrinneqarpoq kræftimik napparsimalersimasoq, aasarlu manna 2020-imi peqqissivissimasutut ilisimatinneqarpoq.
- Suna tamaavimmi allaannginnami unittoq. Silarsuariniagara tamarmi sequmivittutut sequmippoq.
K. Ole Olsen Nuummi Dronning Ingridip Napparsimmavissuani nakorsamit qinersimigut kræfteqalersimalluni ulloq kalerrinneqarnini taama oqaluttuaraa. Taamani nuliani, Sabine Lange Olsen, piffissami tassani ukiuni 32-ni inooqatigisimasani aamma ukiuni 25-ni nuliarisimasani, peqatigaa.
Allaaserineqartoq aviisimi AG-mi tamakkiisumik atuarneqarsinnaavoq. Aviisi uani pisiariuk: