misissuineq

Kræfteqalersartut marloriaammik amerlanerusut

Arnat amerlanerusut illissamik paavatigut kræfteqarnerlutik misissortittassapput

Arnat amerlanerusut timimik sananeqaataasigut misissortittariaqaraluarput

Naak arnat illissamik paavatigut kræfteqalersartut Kalaallit Nunaanni 1970-ikkunnili ukiumut ikiliartoraluartut, taama eqqugaasartut Danmarkimit suli marloriaammik amerlanerupput, aamma illissamikkut kræfteqalersartut ukiuni qulikkaartuni kingullerni nunarsuatsinni amerlanersaallutik.

Statens Serum Institut nittartakkamini taama allappoq.

Tassani tunngavigineqarluni ilisimatuussutsikkut allaaserisaq atuagassiami Gynecologic Oncologymi qanittukkut saqqummiunneqartoq, institutimi suleqataasut ilaannit allaaserineqartoq.

Patsisaanerusartut
Allaaserisami ilukkut kræfteqalersarnermut patsisaanerusartut taaneqarput.

- Misissuinerup nutaap paasinarsisippaa, illissap paavatigut kræfteqalertarnermik Kalaallit Nunaanni misissuinissamut pilersaarutigineqartumi, misissuiffigineqartussatut siunniunneqartutut ikinnerpaasussatut 85 procentiusunit ikinnerujussuit peqataasartut. Piffissami 1997-imit 2010-mut peqataasut 28 aamma 42 procentit akornanni nikerartut, 2011-mili misissuinermi peqataasut 54 procentinik amerlassuseqartut oqaatigineqarluni.

Arnat amerlanerujussuit
Danmarkimik sanilliussinermi ajornartorsiut erseqqinnerulerpoq. Tappavanimi arnat amerlanerujussuit misissorneqartarput.

- Danmarkimi arnat 23-nit 65-inut ukiullit nuna tamakkerlugu misissorneqartarnissaannik suliniut 1986-imili atuuppoq, misissorneqarsimasullu 2010-mi 75 procentit missaanniillutik, Gynecologic Oncologymi allaaserisami allassimavoq.

Allaaserisaq tamaat AG-mi uani sapaatip-akunnerani saqqummertumi atuaruk. Aviisi uani aamma pisiarisinnaavat:

Powered by Labrador CMS