Skip to main content

Koruuni ataaseq naammappoq imermik neqerooruteqarnissamut

Ingerlatseqatigiiffinnit arfineq-marluusunit tallimat imermik sermimillu Kalaallit Nunaannit avammut tuniniaanissamut qanittukkut akuersissummik pissarsisut aallarnisaasutut suliffeqarfiupput aningaasaliisussarsioqqaartussat

Ingerlatseqatigiiffinnit arfineq-marluusunit tallimat sermimik imermillu avammut tuniniaasarnissamut kingullermik suliarinnittussarsiuussisoqarmat akuersissummik pissarsisimasut aallarnisaasutut ingerlatseqatigiiffiupput (IVS) suliffeqarfimmik aallartitsigamik koruunip ataatsip koruunillu 49.999-t akornanni aningaasaliissuteqarsimasut. Taakkunannga arlallit koruunimik ataasiinnarmik aningaasaliissuteqarsimasutut nalunaarsorneqarsimapput.

Aviisi Sermitsiaq taamatut allappoq.

Aallarnisaasutut ingerlatseqatigiiffinnik ammaaneq ilisimaarinnittumik pivoq, Inuussutissarsiornermut, Nukissiuuteqarnermut Ilisimatusarnermullu Naalakkersuisoq Jess Svane (S) oqarpoq.

– Aallarnisaasutut ingerlatseqatigiiffiit immikkut pingaaruteqarput, tassa sermimik imermillu niueruteqartarnissamut tunngatillugu tullissaanik neqeroortitsinermi kalaallit aallarnisaasut amerlanerit qinnuteqarnissaat anguniaratsigu. Tamanna minnerunngitsumik pingaaruteqarpoq, sermimut imermullu tunngatillugit suliffimmik nutaamik aallartitsiniarnermi, Jess Svane aviisimut Sermitsiamut oqarpoq.

Kingullermik neqeroortitsisoqarmat ingerlatseqatigiiffinni inuit ingerlatsisut nunani allani Danmarkimiluunniit najugaqartut, ingerlatseqatigiifinnik IVS-iusunik aqutsisutut nalunaarsorneqarsimasut neqerooruteqarsimapput.

Danmarkimi IVS-imik ingerlatseqatigiiffeqartarneq ukioq manna apriilip qaammataani atorunnaarsinneqarsimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER