Korneliusseni Kreutzmannilu kulturikkut nersornaaserneqartut
Nersornaaserneqarniartut ileqquusoq malillugu Nuummi Katuami kikkuunersut saqqummiunneqarput.
Atuakkiortoq Niviaq Korneliussen Naalakkersuisunit kulturikkut nersornaaserneqarpoq. Kulturikkut nersornaat marlunngornermi ullup-qeqqata siornatigut Nuummi Katuami kultureqarnermut naalakkersuisumit Peter Olsenimit (IA) tunniunneqarpoq.
Atuakkiortoq ilaatigut Naasuliardarpi 2020-mi saqqummersoq pillugu atuakkiorsimasutut ilisimaneqarpoq. Atuakkiami nunami maani inuuniarnikkut ajornartorsiutigineqartartut sammineqarput.
Niviaq Korneliussen Nunat Avannarliit atuakkiortunut nersornaasiuttagaannik Naasuliadarpi pillugu siorna ukiakkut aamma nersornaaserneqarpoq.
Taalliortoq nersornaaserneqartoq
Katuami aaqqissuussisoqarneratigut kulturikkut nersornaatit marluk tunniunneqarput. Taalliortoq atuakkiortorlu Tønne Kreutzmann aamma Naalakkersuisunit Kulturikkut nersornaaserneqarpoq.
Tønnes Kreutzmann aamma organistiuvoq, ilaatigullu erinarsortartoqatigiit Uummatip Nipaa-ta erinarsugaannik saqqummiussisimalluni, erinarsuutit nammineq suliarisimavai. Saqqummiunneqarsimasut ukioq manna siusinnerusukkut Koda Awardimik nersornaaserneqarnissamut innersuunneqarsimapput.
Derudover har Tønnes Kreutzmann tamatuma saniatigut erinarsoqatigiit erinarsuutaannik arlalinnik saqqummersitsisimavoq.