Konsulateqarfimmik ammaanissamut USA nalinginnaanngitsunik piumasaqaateqarpoq
USA-p konsulateqarfimmik ammaanissamut Nuummi illuutinik tuniniaasartunik attaveqaateqarpoq. Konsulateqarfik arfineq marlunnik sulisoqarnissaa pilersaarutaavoq
USA-p Københavnimi aallartitaqarfianut soqutiginarsinnaasunik nassiussisoqarnikuusoq illuutinik tuniniaasarfimmit Igdlomit Ole Kielmann Hansen Sermitsiaq.AG-mut ilisimatitsivoq.
- Taamaattoq suli isumaqatigiissuteqartoqarnikuunngilaq, Ole Kielmann Hansen oqarpoq.
Konsulatimik ammaanissaq USA-mi kongressip akuersissutigineqaqqaassasoq ilisimatitsissutigineqarpoq.
Piumasaqaatit nalinginnaanngitsut
Konsulateqarfissaq pillugu nalinginnaanngitsunik piumasaqaateqartoqarpoq.
Namminersorlutik Oqartussanut qanittumi isikkivigissumiinnissaalu inissisimanissaa piumasarineqarsimasoq illuutinik tuniniaasartoq alla ilisimatitsivoq. Sillimaniarnikkut aamma piumasaqaateqartoqarpoq, taamaattoq ammaaniartut nammineerlutik panserglassiliinerit sillimaniarnikkullu suliassat nammineq suliarineqassapput.
Sullitaq nalinginnaanngitsoq
- Sullinneqartoq nalinginnaasuunngilaq, tassami USA-mi aamma Kalaallit Nunaanni illunik sanariaatsit assigiinngitsuunngillat, Ole Kielmann Hansen oqarpoq. Attaveqaqatigiinneq pissutaalluni paasissutissat arlaqartut isertuunneqartariaqartut aamma ilisimatinneqarsimavoq. Illut suut neqeroorutigineqarsimanersut aamma oqaatigisinnaanngilaa.
Piumasaqaataasut naapertorlugit ujaasisoqarsimasoq nunanut allanut Naalakkersuisoqarfimmi pisortaq Kenneth Høegh ilisimatitsivoq.
Konsulateqarfik sumi inissisimassanersoq maajimili aallartinneqarsimasoq Sermitsiaq.AG-mit paasineqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...