Skip to main content

Kommuunimi politikeri: Piniarfimmi saliisoqartariaqarpoq

Nassuttuumi saliisoqarnissaanik Kristian Jeremiassen (IA) siunnersuuteqarpoq. Kommunit pingasut aamma Namminersorlutik Oqartussat suleqatigiittariaqartut siunnersuutigaa

Aavarfiusartoq Nassuttooq tamatumalu eqqaa eqqangassarpassuanissimavoq eqqangassallu pinngortitamut inunnullu ajornartorsiortitsipput.

Assini takuneqarsinnaapput eqqagassat qimaannarneqarsimasut, soorlu motoorikut, angallatikut, plastikkit, imerfikut kiisalu pisaat qimaannarnikut ilaatigut takuneqarsinnaallutik.

Pinngortitamut Naalakkersuisoqarfik, Qeqqata Kommunia, Kommune Qeqertalik, Avannaata Kommunea-lu akileeqatigiillutik Nassuttuup kangerluani saliinissamik Kristian Jeremiassen siunnersuuteqarpoq.

Eriagisassaq

- Nassuttooq eriagisassaavoq, assit takullugit nikeriallannarpoq. Suleqatigiinnikkut saliisoqartariaqarpoq, tassami saliinissaq suliassarujussuusussaavoq, Kristian Jeremiassen Sermitsiaq.AG-mut oqarpoq.

Kinguneqapilussinnaavoq

Piniakkat eqqarsaatigalugit saliisoqartariaqartoq isumaqarpoq.

- Tuttut nappaataat piffissami kingullermi eqqartorneqarput, nunatsinnilu Canadamut sanilliulluta tuttuutingut minguinnerusut oqariartuutigineqarpoq, kisiannili tuttut nunatsinniittut ulorianartorsiorput pinngortitami aavarfiusumi eqqangassarsuit ingasalluinnalersimammata.

- Ilanngullugu siunnersuutinginiarpara aavarfiusumi pinngortitamilu asuli eqqaasannginnissap paasititsiniutigineqarnissaa. Aavarfiusumi inersimasut aavartarput, isumaqarpungalu inersimasut paasinnissinnaasut aavarfiusoq mingutsinneqarpat tuttut nappaalalissasut, meeqqat paasinnissinnaappata aamma inersimasut paasinnissinnaapput, Kristian Jeremiassen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER