Skip to main content

Kommunit: Mittarfeqalerpat takornariaqarnerulissaaq

Kommunit pingasut, attaveqaqatigiinnermut naalakkersuisoqarfimmut ilassutitut allakkiorsimasut, mittarfiit takornariaqarnermut periarfissaqartitsinerulertussatut isigaat.

Takornariaqarnikkut, angallassinikkut nunallu ilaani nioqqutissanik assartuinikkut pitsaanerulissaaq akikinnerulerlunilu, nunap immikkoortortaanni mittarfiit pilersinneqartuuppata.

Nunatsinni mittarfiit attaveqaatitut misissueqqissaarneqarnerani Attaveqaqatigiinnermut Naalakkersuisoqarfiup, nunap immikkoortortaanni mittarfiliornissap inuiaqatigiinnut qanoq sunniuteqarnissaa pillugu tunngavilersukkamik kommunit pingasut ilassuteqaqqusimavai.

Angallassinerup pitsaanerulernissaa takornariaqarnikkullu periarfissaqarnerulernissaq tamanit isiginiarneqarpoq.

Kommune Qeqertalik, Kommuneqarfik Sermersooq aamma Kommune Kujalleq misissueqqissaarnermi allakkiortinneqarput.

Illoqarfiit uku mittarfeqalersinnaasutut misissuiffigineqarnermi periarfissaqarput:

  • Qeqertarsuaq
  • Qasigiannguit
  • Kangaatsiaq
  • Narsaq
  • Nanortalik
  • Tasiilaq
  • Ittoqqortoormiit

Takornariaqarnermi periarfissatsialak

Nunap immikkoortortaanni mittarfiit illoqarfinni mikinerusuni takornariaqarnermut periarfissagissaartitsinerulissasut, kommunit tamarmik naliliipput:

- Tasiilami illoqarfiup qanitarisaani nunap immikkoortortaani mittarfeqalernikkut Tunumi pinngortitami kusanarluinnartumi takornarialerinerup siuarsarneqarnissaanut, ullumikkullu takorloorneqarsinnaanngitsunik inuutissarsiornermi periarfissanik pilersitsinissamut tunngavissiissasoq, Kommuneqarfik Sermersooq ilassuteqarpoq.

Kommunip ilanngullugu tikkuarpaa mittarfiit Tunumit nunap sinneranut angallannermut, aammalu ukiukkut nioqqutissanik assartuinermut oqilisaataangaatsiassasoq.

Kommune Kujalliup nuannaarutiginninnini aamma isertuanngilaa. Mittarfinnik pilersitsinissaq arlalitsigut malunniuteqartitsissasoq, kommuni naatsorsuuteqarpoq:

- Nanortalimmi mittarfiliortoqaruni pingaartumik sumiiffimmi takornarialernermut pitsaasumik annertuumik sunniuteqassammat, Nanortalimmi mittarfiliortoqarnissaanut aningaasaliisoqarnissaa innersuussutigineqassasoq. Illoqarfimmut angalasut arlaqartut ataatsikkut angallaneqartarnissaat pisariaqarpoq. Tamatuma saniatigut inuussutissarsiutit allat, assersuutigalugu inuussutissalerinerup aatsitassarsiornerullu ineriartortinneqarnerinut sunniuteqarluarsinnaasunik angallattoqarnerulernissaa, nutaanillu periarfissaqalersitsinissaa naatsorsuutigineqartariaqarpoq, allassimavoq.

Neqerooruterpassuit - takornariaqaranili

Kommune Qeqertallip Qasigianngunia, Qeqertarsuarmi Kangaatsiamilu takornarianut misigisassatut periarfissat allattorpai. Ilaatigut qimusserneq, nunamut pisunneq iglo-nilu unnuinerit misigineqarsinnaapput.

Sumiiffimmi takornariat eqaatsumik angalasinnaanerat tunngaviliisuulluinnarpoq:

- Sumiiffimmi mittarfiliornerup takornarianik kiffartuussisut periarfississavaat qulaani taaneqareersut piviusunngornissaanut qulakkeerinninnissaminnut, Kommune Qeqertalik ilassuteqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER