Kommunit atuarfiit matuneqarnissaannut piareersartut
Atuarfiit ataasinngorpamiit upalungaarsimalissapput. Meeqqat suli sulisunik paarsisussanillu pissarsinnaanngitsunik angajoqqaallit suli atuariartortarsinnaapput.
Naalakkersuisut Siulittaasuata Kim Kielsenip marlunngormat ualikkut oqaatigaa, coronavirusimut ernummateqarneq pissutigalugu timmisartukkut angallannerit tamarmik sapaatip akunnerani matumani arfinngorpat unnuaani unitsinneqassasut, aamma atuarfiit ataasinngorneq aallarnerfigalugu matuneqassasut.
- Erseqqissumik oqaatigalugu ima isumaqarpoq, imaanngilaq atuartut ataasinngorpat marsip 23-anni nalinginnaasumik atuariartortarnermissut atuariartussasut, kommunit marlunngormat unnukku ataatsimoorlutik oqaaseqaateqarnermini allapput.
Oqaaseqaat naapertorlutg meeqqat atuarfii tallimanngorpat atuarneq naappat matuneqassapput. Taamaakkaluartoq nammineq atorfik pissutigalugu suliartortariaqarneq pisariaqassappat, meeraq atuariartortinneqartuaannarsinnaavoq:
- Aajuna atuarfiit upalungaarsimanermut sillimaniarneranni iliuusissiaq. Soorunami atuarfinni tamani katersuutsitsisarnerit pillugit pisariaqartunik iliuuseqartoqartassaaq.
Sulisitsisut angajoqqaallu nalilersuisariaqartut
Kommunit naapertorlugit, angajoqqaat sulisitsisutik peqatigalugit nalilersortassavaaat, kikkut suli suliartortariaqassanersut:
- Tamanna ima isumaqarpoq, atuarfiit ammatinneqassapput, meeqqanut, angajoqqaavi inuiaqatigiinni atorfeqarnerat pissutigalugu matuneqanngitsut, allamillu paarsisussaqartitsinngutsunut.
Kommunit allapput, nuna tamakkerlugu ilinniartitsisut suli suliassarigaat atuarfinnut suliartussallutik. Taakkunanngaanniit alimasissumit atuartitsinissaminnut pisariaqartunik aaqqissuussissapput, aammalu meeqqat, angajoqqaavi sulisariaqarpata paarsisussaatitaassallutik”.
Kommunit oqaaseqaateqarnerminni erseqqissaatigaat, ilinniartitsisut meeqqallu sulinerat ingerlaannassasoq:
- Tamatta ataasimoorluta nualluutip kingunerisaanik suliassanik nutaanik suleqatigiissuteqartariaqarpugut. Matumani immikkorluinnaq pisoqarnerani ilinniartitsisut akisussaasut angajoqqaallu suleqatigiinnissaat kommunit tatigivaat, taamaalilluta inuiaqatigiinni uninnata ingerlaannarniassagatta, kommunit allapput.
Kim Kielsen naapertorlugu atuarfiit sapaatip akunnerini marluugallartuni matoqqatinneqassapput.