Skip to main content

Kommunit aningaasaataat tigoriaannaat millioninik ilaneqartut

Kommuni Kujalleq Avannaatalu Kommunia aningaasaqarnikkut tatisimaneqarnerat pissutigalugu, aningaasaataat tigoriaannaat annertusitsinniarlugit Namminersorlutik Oqartussanit taarsigassarsitinneqarsimapput.

Kujataani avannaanilu kommunit aningaasaqarnikkut ajornartorsiuteqarput.

Kommuni Kujallermit sapaatip akunnerani kingullermi ilisimatitsissutigineqarpoq, missingersuutit millionilikkaanik sipporneqarsimammata kommuni atorfinitsitsisarnermik unitsitsigallartoq.

Avannaata Kommuniani inunnik isumaginninnermi pilersuiniarnermilu sulianut attuumassuteqartunut aningaasartuutit aningaasaqarnermut tatisisimapput.

Kommunit taakku marluullutik Namminersorlutik Oqartussanut aningaasanik tiguinnarianik taarsigassarsiaasa annertusineqarnissaannik Naalakkersuisunut qinnuteqarsimapput, tamarmilluni akuerineqarsimallutik. Kommuni Kujalleq 25 millioner koruuninik immikkut taarsigassarsitinneqarsimasoq, Avannaata Kommuni 20 millioner koruuninik immikkut taarsigassarsitinneqarsimavoq.

Aningaasaqarnermut Nunamullu Namminermut Naalakkersuisoq Asiii Chemnitz Narup (IA) marlunngormat marlunnik nalunaaruteqarami taamatut ilisimatitsivoq.

Aningaasat kujataani eqqissilluni sulisoqarnissaanut qulakkeerinnissasut

Naalakkersuisut naapertorlugit, Kommuni Kujalleq eqqarsaatigalugu, immikkut millioninik taarsigassarsititsinikkut aningaasaqarnerup piffissaq ungasinnerusoq eqqarsaatigalugu iluarsineqarnissaanut kommunimi eqqissilluni sulisoqarsinnaanngorpoq:

- Kommune Kujallermi pissutsit inissisimanerat paasisinnaallugulu qanimut malinnaaffigaarput.

- Aningaasanik tiguinnarianik sillimmatit nukittunerulersinneqarneratigut, unammilligassat iliuuseqarfiginissaannut eqqissilluni sulinissamut toqqammavissat pilersinneqartut naatsorsuutigineqarpoq, Asii Chemnitz Narup oqarpoq.

Borgmesterip Stine Egedep Naalakkersuisut ikiuunnerat nuannaarutigaa:

- Kommune Kujallermi ajornakusoornartumik aningaasaqarnikkut inissisimanerput siornatigulli ilisimaneqareerpoq. Sillimmateqalernerput sukannersumik aqutsinitsinnik unitsitsissanngilaq. Aningaasaqarnikkut sukannersumik aqutsinitta nangittumik ingerlanneqarnissaa paasineqaqquarput, taanna oqarpoq.

Avannaata: Naleqqussaanissaq pisariaqartinneqarpoq

I Avannaata Kommuniani piffissaq ungasinnerusoq eqqarsaatigalugu aningaasaqarnermik aaqqiissutaasussamik iliuusissatut pilersaarummut missingiummik suliaqartoqarsimavoq. Naalakkersuisut naatsorsuutigaat, aningaasanut tigoriaannarnut ilassutaasimasut taartissaannik kommuni ukiuni aggersuni aningaasanik isaatitsiumaartoq.

Asii Chemnitz Narupi oqarpoq, Avannaata Kommunia ukiuni aggersuni aningaasaqarnermi naleqqussaanissamik pisariaqartitsisoq.

Borgmesteri Palle Jerimiassen oqarpoq:

- Ingammik isumaginninnermut immikkoortumi, kiisalu pilersuinermut sullissinermut atatillugu aaqqissuussaanikkut ilungersornartut Avannaata Kommuniata aningaasaqarneranut sunniuteqarput, peqatigisaanilli suliffissaaleqinermut isertitanullu tunngatillugu pitsaasumik ineriartortoqarneranik takussutissaqarpoq. Taamaammat kommunip aningaasanik uninngasuutinik sillimmataasa nukittorsarneqarnerat kommunimi nuannaarutigaarput, taamaaliornikkullu maanna nalimmassaanissamik suliassaq eqqissilluni suliarineqarsinnaalerpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER