Skip to main content

Kommunip suliaminik sumiginnaasimanera pillugu Ombudsmandi isornartorsiuivoq

Meeqqap pinerluuteqarsimasut isertitsivianniitilluni imminut toqussimanera pillugu Ombudsmandip kommunimut isornartorsiuivoq. Kommuni sorliunersoq ilisimatitsissutigineqanngilaq

Meeraq pinerluuteqarsimasunik isertitsivimmi ullut 20-t sinnerlugit tigummigallarneqarpoq, tassanilu imminut toqulluni.

Suliaq taanna pillugu Ombudsmandip Inatsisartunut pingasunngornermi saqqummiuppaa. 

- Kommunip uannut allakkamini 11. februar 2015-imeersuni oqaatigaa 'Suliap suliarineqarnerata ingerlanerani sullissinerlunnerit [...] assut ajuusaarutigai'. Tamanna tusaatissatut tiguara. Kommunip suliamik suliarinninnera isorisarialerujussuartut isigaara. Suliamik naliliininni ukiukinnerusup kommunip isumaginnittoqarfiani tarnik- kut inooqataanikkullu annertuumik ulorianartorsiortitaasutut ilisarisimaneqarluartup, pineqartoq pillugu kommunip isumaginnittoqarfimmi suliaataa misissorlugu atuarsimasara, imminullu toqunniartutut pissusilersornini pissutigalugu napparsimmavinnut unitsinneqarsimasup pineqarnera pissut- situt sakkortusaataasutut ilaatippara, Ombudsmandip pingasunngornermi saqqummiussamini allappoq. 

Suliamik Ombudsmandip naliliinerani manna ilanngullugu isiginiarpaA, tassalu  Kommuni eqqartorneqartoq aamma oqaatigineqartutut tigummigallaanermut taarsiullugu inissiivissamik naleqquttumik allamik nassaarniarneq kommunimut ajornakusoortuusimasoq.

Ombudsmandip suliamik naliliinermini ukiukinnerusup kommunip isumaginnittoqarfiani tarnikkut inooqataanikkullu annertuumik ulorianartorsiortitaasutut ilisarisimaneqarluartup, imminullu toqunniartutut pissusilersornini pissutigalugu napparsimmavimmut unitsinneqarsimasup pineqarnera pissutsitut sakkortusaataasutut ilaatippaa.

Kommunili meeqqat angerlarsimaffiannit itigartinneqarpoq. Ombudsmandip suliamik matuminnga misissuinermi inernilerneqarnera ilaatigut Ilaqutariinnermut, Naligiissitaanermut Isumaginninnermullu Naalakkersuisoqarfimmut ilisimatitsissutigaa. Ombudsmandip tamatumunnga peqatigitillugu Naalakkersuisoqarfik qinnuigaa kommunit suliani tigummigallaanermut taarsiullugu allamut inissiisarnernut tunngasuni isumaginninneq pillugu inatsisiliornermi tunngavigineqartutut pisussaaffimminnik naammassinnissinnaanissaat qulakkeerniarlugu qanoq iliuuseqassamaarnini pillugu nassuiaateqaqqullugu.  

Imminut toquttoq
Kommunili, sorliunersoq ilisimatitsissutigineqanngitsoq, suliaq ingerlaannarlugu suliarinngilaa, ukiukitsullu pisumi suliarineqartoq pineqaatissinneqarsimasunut inissiisarfimmiitilluni imminut toquppoq. 

- Uanga isumaga unaavoq suliaq pillugu oqaaseqaataa suliap ingerlasimaneranik suliaq tamaat isigalugu naammaginanngitsorujussuartut isigineqartariaqartumik takutitsisuusoq.

- Kalaallit Nunaanni Politimesterimit ilalerneqartumik Kalaallit Nunaanni Pinerluuteqarsimasunik Isumaginnittoqarfiup aamma oqaatigisaatut sulianik tigummigallaanermut taarsiullugu allamut inissiisarnernut tunngasunik kommunip ilisimasaqannginnera paasi- simasaqannginneralu kiisalu suliani taakkunani periaatsinik aalajangersimasunik amigaateqarnera aamma pisinnaatitaaneq akiliuteqartarnerlu pillugit erseqqarluttoqarnera kommunip oqaaseqaataata takutippai.

Kommunip sumiginnaasimanera
- Sulianik suliarinninnermi tunngavinnik periaatsinillu nalinginnaasunik ataatsimut ilunger- sunartumillu paasinnissimannginneq oqaaseqaatip aammattaaq takutippaa, matumani sulianik aqutsinermik, ataqatigiissaarinermik, malitseqartitsinermik suliassanillu tunniunneqartunik malitseqartitsiviginninnermik paasinnis- simannginneq ilanngullugu eqqarsaatigalugu. Pissutsit aalajangersimasut ilaat takuinnarlugit suliamik sumiginnaanerpiatut isikkoqarput.

Suliap suliarineqarnerata ingerlanerani sullissinerlunnerit, tassa kommunip, suliaq pisorlu ajuusaarutigai, taamalu alianartigisumik naggataagut pisoqarmat assut alianartutut isigalugu.

Inissaqartinneqanngitsoq
Suliami eqqartorneqartumi meeqqap angerlarsimaffigisinnaasaanik tulluartumik Nunatsinni peqarsimannginnera kommuni ilaatigut aamma allappoq. 

Suliaq Ombudsmandimit 'ilungersunartutut' isigineqarpoq. Folketingip Ombudsmandiata aamma Pinerluuteqarsimasunik Isumaginnittoqarfiup Pisortaqarfiata ilaatigut Pisortaqarfiup inissiiviutaani imminut toqoriartoqartillugu imminullu toquttoqartillugu suleqatigiinneq pillugu massakkut isumaqatigiissutaat tunngavigalugu Pisortaqarfiup suliaq Folketingip Ombudsmandianut paasissutissiissutigaa.

Sulineq pitsaanerulissaaq
Sulisumi pisinnaasaqassutsikkut pikkorissarneqarnissaannik qulakkeerinninnerup saniatigut – suliassaqarfimmi tassani periaatsimi misissorneqarnissaat massakkut suliniutiginialeraa, matumani 'suleriaatsip' allaganngorlugu eqqartuussiviit tigummigallaanermut taarsiullugu allamut inissiisoqarnissaanik aalajangiinerini atugassap suliarineqarnissaa ilanngullugu eqqarsaatigalugu kommunip nalunaarutigaa.

Ombudsmandip suliamik matuminnga misissuinermi inernilerneqarnera ilaatigut Ilaqutariinnermut, Naligiissitaanermut Isumaginninnermullu Naalakkersuisoqarfimmut ilisimatitsissutigaa. Ombudsmandip tamatumunnga peqatigitillugu Naalakkersuisoqarfik qinnuigaa kommunit suliani tigummigallaanermut taarsiullugu allamut inissiisarnernut tunngasuni isumaginninneq pillugu inatsisiliornermi tunngavigineqartutut pisussaaffimminnik naammassinnissinnaanissaat qulakkeerniarlugu qanoq iliuuseqassamaarnini pillugu nassuiaateqaqqullugu. Taamatut qinnuiginninnermut pissutaasoq tassaavoq kommunit sulianik tigummigallaanermut taarsiullugu allamut inissiisarnernut tunngasunik suliarinnittarnerisa ataatsimut ajornartorsiutaanerat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER