Sermersooq
Kommunip pappiliartornerujussuanik iliuuseqarniarneq
Kommuneqarfik Sermersuumi politikerit pappilissanik pissaarlutik digitalikkut ilisimatinneqartalissapput. Oqaluuserisassat, ataatsimiinnernilu nalunaarutit pappilissatigut agguaassineq atorunnaassaaq
Kommunip naatsorsukannersimavaa, kontomi tassa qanoq annertutigisumik sipaaruteqarsinnaanerlutik, ilimagineqarporli ukiumut 420.000 koruunit missaanniissasut.
Ataatsimeeriaaseq nutaaq
Kommunalbestyrelsimut ilaasortat ataatsimiissutissaat elektronikkikkut atortuuteqartinneqalissapput, First Agendamik taaneqartumik, paasissutissanik pingaarutillinnik imaqartartut tassaniitinneqassallutik, Kommuneqarfik Sermersuumi kommunalbestyrelsip oqaluuserisassaani ilaasoq, saqqummiunneqaqqammerpoq.
Sulianut tunngassutilinnik pappiliartornerujussuaq misissorneqareersimavoq. Oqaluuserisassami ima allaqqasoqarpoq:
- Missingiusiorneq naapertorlugu, ukiumut 410.000 kr. missaanni katillugit aningaasartuutaasartut, tassa Kommunalbestyrelsimut ilaasortaq ataaseq 22.000 kr. missaani. Naatsorsuinermi paasissutissat eqqoqqissaartut tunngavigineqanngillat, pissutigalugu kommunimi Nuummi Kommuneqarfiup Allaffiani "repro- maskiinat" atorneqarneri tunngavigineqaramik kiisalu allaffissuarmi kopeerinermut maskiinat allat atorlugit missingiusiortoqarluni. Taamaattumik suleriaasissap Kommunalbestyrelsimit akuersissutigineqarnerani pappialanik atuineq eqqarsaatigalugu kiisalu atortussanik naqitanngortitsisarnerit ilaasortanullu aggiussisarnerit il. il. eqqarsaatigalugit, sipaarniuteqarnermik kinguneqartussaavoq.
Kommunalbestyrelsi marlunngornermi atuutilissaaq
Kommuneqarfik Sermersuumi kommunalbestyrelsi sapaatip akunnerata tulliani marlunngornermi ataatsimiissaaq.