Skip to main content

Kommunip avinneqarnissaa Naalakkersuisut kinguartissinnaavaat

Naalakkersuisoqatigiinngortut Qaasuitsup Kommuniata avinneqarnissaa allanngortissinnaavaat kinguartissinnaalluguluunniit

Inatsisartunit Qaasuitsup Kommunianut kommuninut mikinernut marlunnut avinneqarnissaanik inatsisissatut siunnersuut ataasinngorpat aappassaaniissavaat: 1) Kangaatsiaq, Aasiaat, Qeqertarsuaq, Qasigiannguit aamma2) Ilulissat, Uummannaq, Upernavik, Qaanaaq.

Partiit tallimat isumaat immikkoortup oktobarip 24-ani siullermeerneqarnerani sumut tamaanga sammiveqartiterput, tamatumalu kingorna naalakkersuisoqatigiit katitigaanerat allanngortinneqarsimalluni.

Atuaruk: Qaasuitsoq taamaallaat marlunngorlugu avinneqassaaq

Naliliinissamik kissaateqartoq
Partii naalakkersuisoqataalersoq Inuit Ataqatigiit ukiakkut ataatsiminnermi matumani allamik oqaluuserisassanngortitaqarsimavoq, kommuninik aaqqissusseqqinnerup, 2009-mi eqqunneqarnermini Namminersornerulluni Oqartussaanerup eqqunneqarneraniit allaffissornikkut aaqqissuusseqqinnerit annerpaartaattut taaneqartup, nalilersuiffigineqarnissaanik piumasaqarfiusumik.

Siunnersuutip taassuma siullermeerneqarnerani IA-p siulittaasua Sara Olsvig ima apeqquteqarpoq:

– Kommunip tullia maanna aamma avinneqarusulernerminik aalajangerpat nunap sinnerata ilanngunneqarfigisaanik tamakkiisumik nalilersueqqaara akuersinnaassaagut?

Atuaruk: Avannaani kommunit avinnerannut arlaannaaluunniit akileerusunngiaq

Qinigaaffiup tullianut kinguartinneqarsinnaasoq
IA-p Qaasuitsup Kommuniata kommuninut mikinernut marlunnut avinneqarnissaanik kommnalbestyrelsip aalajangiinera ataqqivaa, periarfissarli iluatsillugu kommuninik aaqqissuusseqqinnermik tamarmiusumik qimerluuisoqarnissaanik kissaateqarluni.

Atuaruk: Avinnermi akiligassaq paatsuungassutaasoq

Siunnersuummut tamatumunnga, ataasinngorpat aamma aappassaaneerneqartussamut, aaqqiissutissaq tassaasinnaavoq Qaasuitsup Kommuniata avinneqarnissaanik 2021-mi kommuninut qinersinissamut kinguartitsineq.

Atuaruk: Qaasuitsup Kommunia 1. januar 2018-imi avinneqassaaq

Allaaserisaq tamaat Sermitsiami uani sapaatip-akunnerani saqqummersumi atuaruk, taanna ullumi pisiniarfinniilerpoq. Aviisi uani aamma pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER