Qaasuitsup Kommunia

Kommunip avinneqarnissaa akisussaqaaq

BDO-p nalunaarusiaa naapertorlugu Qaasuitsup Kommuniata avinneqarnera ataasiaannarluni aningaasartuuteqariarluni ukiumoortumik aningaasartuutaanerusalissaaq

Naatsorsuinermi avannaani kommunitoqqat arfineq-pingasut assigiinngitsunik aggulunneqarnissaa naatsorsorneqarsimavoq, Qaasuitsulli Kommuniani kommunalbestyrelsi 2015-imi juunip 15-ianni ataatsimiinnermini aalajangernikuuvoq kommuni kommuninut pingasunut avinneqassasoq

Qaasuitsup Kommuniata avinneqarnera kommuninngdortussani innuttaasumut ataatsimut immikkut akilileraarutitigut 5.267 koruuniniit 6.443 koruuninut aningaasartuutaanerusalissaaq. Kommunimili akileraartartut innuttaasunit ikinnerungaatsiarnerat pissutigalugu akileraartartumut ataatsimut akiligassarpiaat qaffasinnerungaatsiassapput. Akileraarutit qaffanneqassanngippata kommunini nutaani aningaasat aaneqassapput allaffissornikkut imaluunniit innuttaasunik sullissinikkut sipaaruteqarnikkut.

Kommunit pingasut

Siunnersuisarfiup BDO-p siorna nalunaarusiaminut tapiliullugu nunarsuarmi kommunit annersaasa aggulunneqarnissaanut kinguneqaatissat nutaarluinnarmik naatsorsorsimavai.

Naatsorsuinermilu avannaani kommunitoqqat arfineq-pingasut assigiinngitsunik avinneqarnissaat naatsorsorneqarsimavoq, Qaasuitsulli Kommuniani kommunalbestyrelsi 2015-imi juunip 15-ianni ataatsimiinnermini aalajangernikuuvoq kommuni kommuninut pingasunut avinneqassasoq:

Kommuni Upernavik pingaarnertut illoqarfigalugu, Qaanaaq Uummannarlu ilanngullugit - innuttaasut 5.697.

Kommuni Ilulissat pingaarnertut illoqarfigalugu, Qeqertarsuaq ilanngullugu - innuttaassut 5.669-it.

Kommuni Aasiaat pingaarnertuti lloqarfigalugu, Qasigiannguit Kangaatsiarlu ilanngullugit - innuttaasut 5.642-t.

Aningaasartuutit annertuut

BDO-p nalunaarusiaa naapertorlugu kommunip avinneqarnera ataasiartumik aningaasartuutaariarluni ukiumoortumik aningaasartuuteqarfigineqarnerusalissaaq.

Kommuninik nutaanik pilersitsinermut atatillugu qaammatini arfineq-pingasuni ikaarsaariarnissamut ataasiarluni aningaasartuutissat naatsorsorneqarsimapput 15,8 aamma 28,9 millioner koruunit akornanni akeqassasoq.

Oqaluttuaq tamaat Sermitsiami nutaami atuaruk. Aviisi pisiarisinnaavat uani:

Powered by Labrador CMS