alianartoq
Kommunimi upalungaarsimasuutitat Tasiilamukartut
Tasiilami sapaatip akunnerata siuliani inuit marluk imminut toqupput ataaserlu inuartarineqarluni
Annonse
Kommuneqarfik Sermersuup tarnip nakorsaanik tarnillu pissusaanik ilisimasalinnik Tasiilamukartitsivoq.
Pisup alianarluinnartup kingunerisaanik taama iliortoqarpoq, nunaqqataasut marluk imminut toqunnerata toqutsisoqareerneratalu kingunerisaanik. Taama Kommuneqarfik Sermersooq Sermitsiaq.AG-mut paasissutissiivoq.
Isumaginninnermut, suliffeqarnermut inuussutissarsiornermullu pisortaq Grethe Nielsen aamma borgmester Asii Chemnitz Narup (IA) peqataassapput.
Kommune immikkut timmisartumik attartorluni sukkanerpaamik upalungaarsimasuutitat Tasiilamukartinniarsarivai, naatsorsuutigineqarporlu ullup qeqqata qaangilaarnerani apuutissasut.