Kommuneqarfik Sermersooq
Kommunimi politikkerit aningaasaqarneri nittartakkamiilersut
Nunatsinni kommuneqarfinni siullersaalluni Kommuneqarfik Sermersooq kommunaalimut- nunaqarfimmilu aqutsisuini qinikkat aningaasaqarnerat internetsikkut saqqummiunneqarput.
Kommuneqarfik Sermersuup nittartagaanut iseraanni kommunaalimut- nunaqarfimmilu aqutsisuini qinikkat aningaasaqarnerat takuneqarsinnaalerput.
Inatsisartuni ilaasortat aningaasaqarnerisa saqqummiuttalerneqarneranik, Kommuneqarfik Sermersuup 2014-imi kommuneqarfimmik aqutsisuisa aalajangerpaat assigusumik saqqummiutsisalerniarlutik. Inatsisartuni ilaasortat piumassutsiminik aningaasaqarnerminnik saqqummiusisinnaalernikuupput.
Politikerinut tatiginninneq
- Nuannaarutigaara nalunaarsortittalernissamut malittarisassat maanna inissinneqarmata. Siunissaq eqqarsaatigalugu qinikkat inuttut aningaasatigut soqutigisaasa minnerunngitsumillu qinikkat kinaassusersiunngitsumik aalajangiisarnerannut innuttaasut tatiginninnerat, sapinngisamik ammanerusumik qulakkeersinnaalerparput,” borgmester Asii Chemnitz Narup (IA) kommuneqarfiup nittartagaani oqarpoq.
Kommunalbestyrelsimi nunaqarfinnilu aqutsisuni qinikkat aningaasarsiaqaatigalugu siulersuisunut ilaasortaaffitik, qinikkatut sulinerup avataatigut aningaasarsiaqarlutik atorfitik, namminersorlutik suliffeqarfiuteqarnerminnit isertitatik, piginneqatigiiffinni soqutigisatik isumaqatigiissutillu aningaasanut tunngasut ingerlaavartunik kajumissusertik tunngavigalugu nalunaarsortittarsinnaavaat.
Atuaruk: Demokraatit: Akileraarutit sumut atorneqartarnersut paasisinnaasariaqarpaat