Skip to main content

Kommunimi politikerit marloriaammik akissarsisarsimapput

Taamungaannaq tigooraalluni misissuinikkut paasineqarpoq Kommune Kujallermi inuit qinigaat sisamat ataatsikkut assigiinngitsunik marlunnik suliaqartarsimasut. Taamaasillutillu amerlavallaanik akissarsiaqartarsimapput

Kommuni Kujallermi kommunalbestyrelsimut ilaasortat sisamat marloriaammik akissarsiaqarsimapput, suliassartik ataasiinnaq ingerlassimagaluarlugu.

Tamanna paasineqarpoq kukkunersiuinermik ingerlatsiviup BDO-p Kommune Kujallermi taamungaannaq tigooraallluni misissuinerani. Tamatumani kukkunersiuisut paasivaat politikerit sisamat allamik suliaqarnertik pissutigaliugu ataatsimiinnermi peqannginnerminnit ilanngaaffigineqartarsimanngitsut.

Peqannginnertik nalunaarutigisassavaat

Assersuutigalugu tassaasinnaavoq kommunimi politikeri, kommunimi atorfilik. Taanna kommunimi politikeritut ataatsimiinnerni peqataassagaangami nalinginnaasumik atorfimmini piffimmut sumiinnermut nalunaarsuiffimmut allattassaaq peqanngittussaalluni.

Iluarsiniarsaraat

– Tamatumani pisut ilaanni tamanna amigaatigineqartarsimavoq, Kommune Kujallermi aningaasaqarnermut pisortaq Kim Rosendahl nassuiaavoq.

Kommune Kujalleq, kommunini kisiartaanngilaq marloqiusamik akissarsiaqartarnermik ajornartorsiutileqarfiusimasoq. Aamma Kommuneqarfik Sermersooq ajornartorsiummik tamatuminnga atugaqarsimavoq, tamannali iluarsineqareerpoq, ukiorpaalunnilu kukkunersiuisunit avataaneersunit tamanna pillugu uparuarneqartarsimanani.

Kommune Kujalliup aamma 2015-imi maajimi akissarsianut peqanngittarnermullu najoqqutassiorsimavoq, taakkualu qullersanut ilisimatitsissutigineqarsimapput atortuulersinneqarsimallutillu.

Inunnut sisamanut tunngasut

– Inunnut sisamanut tunngasuni taakkunani ilanngaateqartoqartariaqarsimanersoq maanna misissorneqarpoq. Tamatumunnga atatillugu oqaatigineqarsinnaavoq ullumikkut kommunimi tamakkiisumik sulisut arfineq-marluk ullumikkut kommunalbestyrelsimut ilaasortaasut, aningaasaqarnermut pisortaq Kim Rosendahl oqarpoq.

Tamatuma saniatigut kukkunersiuisut uparuaanerisa kingorna allattoqarfiup akissarsialeriffimmut nalunaarutit qanoq ingerlanneqartarnerat nalilersulerpaa, paasiniarlugulu periutsit nutaat atorlugit allannguisoqassanersoq, siunissami kukkunerit taamaattut pinngitsoortinniarlugit.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER