Skip to main content

Kommunimi politikeri: Qasigiannguani tunisassiorfik aaqqiivigisiuk

Namminersorlutik Oqartussat, Qaasuitsup Kommunia aamma Royal Greenland suleqatigiillutik ajornartorsiutit aaqqiivigisariaqaraat, kommunimi politikeri Kristian Jeremiassen isumaqarpoq

Sisamanngornermi ullaap tungaani Sermitsiaq.AG-p allaasereriigaatut, qaleralinnik Royal Greenlandimut tulaassuineq annikimmat Qasigiannguani tunisassiorfimmi sulisut 30-it suliunnaarallartinneqarput.

- Ajornartorsiut aaqqiissutissamik nassaaritsi, Qaasuitsup Kommuniani kommunalbestyrelsimi ilaasortaq Kristian Jeremiassen (S) taama qisuariaateqarpoq.

Atuaruk: Tunisassiorfimmi sulisut amerlasuut angerlartinneqartut

Ukioq naallugu
Namminersorlutik Oqartussat, Qaasuitsup Kommunia aamma Royal Greenland suleqatigiillutik ajornartorsiutit aaqqiivigisariaqaraat, taanna isumaqarpoq.

- Ukioq naallugu qaleralinnik tunisassiortoqarsinnaasariaqarpoq. Tassami sulisut 30-it maanna suliunnaartikkallarneqarmata ilaqutariinnut artornarpoq. Juullingajalerpoq, Kristian Jeremiassen oqarpoq.

Ajornartorsiutit aasarli qalerallit 2,5 tonsit Royal Greenlandimit igiinnarneqarmata aallartissimasut taassuma oqaatigaa.

Atuaruk: Kujataanit Qasigiannguanut suliartortut

Kommunimut kingunissat
- Suliffeqarfissuup taamani sulisussaaleqinermini qaleralippassuit igiinnarpai. Augustimi annertuumik tamanna pillugu oqallittoqarpoq. Maanna taama isikkoqartillugu, Royal Greenland taamatut kukkussutiminik ilikkagaqarsimanngilaq, kommunimi politikeri taama oqarpoq.

- Taamak amerlatigisut suliunnaarsinneqarneranni kommunimut annertuumik kinguneqartitsissaaq, akileraarutit appariassammata. Tunisassiorfik iliuuseqarfigineqartariaqarpoq, innuttaasummi illoqarfimmi tunisassiorfeqaannarnissaa kissaatigaat, Kristian Jeremiassen naggasiivoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER