Skip to main content

Kommunimi pisortaaneq: Attartornermut isumaqatigiissutit akisuut isumaqatigiissutaasussaanngikkaluarput

Ineqarneq pillugu suliamik taagorneqartumi isumaqatigiissutit Kommuneqarfik Sermersuumut akisoorujussuupput, suliassaqarfimmilu ingerlatsinerup inatsisinik tunngaveqalersinniarnera unammilligassartaqarpoq, kommunimi pisortaaneq oqarpoq, taassumalu naalakkersuisoqarfimmit isornartorsiuineq akuersaarpaa.

Kommuneqarfik Sermersuup ineqarnermut suliamik taaneqartumi pisortanit taarsigassiissutai arlalitsigut inatsisinik unioqqutitsisut, Sermitsiaq.AG-p sapaatip-akunnerata siuliani oqaluttuarai.

Ineqarnermut Attaveqaasersuutinullu Naalakkersuisoqarfiup inissianut taarsigassarsianik nakkutilliinermik ingerlataqartup tamanna nalilerpaa. Naalakkersuisoqarfik arlalinnik apeqquteqarlunilu kommunip suliami qanoq iliornissaanut piumasaaqateqarpoq.

Kommunip inatsisinik unioqqutitsilluni ineqarneq pillugu suliami ingerlatsineq iluarsiniarsarigaa, Kommuneqarfik Sermersuumi pisortaaneq, Ole Jakobsen oqarpoq.

Tamanna aamma pisortanit taarsigassarsianut, kommunip inissianik 400-nik sanaartortunut ineqarneq pillugu suliamut ilaasunut taarsigassiissutaannut tamanna atuuppoq.

Inissianut tamanut isissasut

- Ajornanngitsumik aaqqiissutissaqanngilaq, isumaqatigiissutinullu tamanut ataatsimik aaqqiissutissaqarani. Isumaqatigiissutit tamarmik ataasiakkaarlugit nalilersortariaqarpagut. Naalakkersuisoqarfik aamma taarsigassiissutinut uppernarsaatissanik apeqquterpassuaqarpoq, taakku akiniarsaraagut, Ole Jakobsen nassuiaavoq, nangillunilu:

- Suliaq angivoq, ilaatigut inissianut tamanut isertussaavugut eqqortumik uuttortarlugit, aamma inissianik sanaartornermut naatsorsuutit atsiorneqarsimasut piumavavut. Taarsigassarsiat eqqortut tunniunneqarsimanersut nalilersoqqinniarlugit tamanna pivoq.

Ineqarneq pillugu suliaq kommunimi pisortaanermut initoorujussuuvoq, kommunip namminersortunut sanaartortunut inissianik attartoriarluni attartortitseqqittarnermi periusaanik Kommunit Nakkutilliisoqarfiata taamaatitseqqusinerata nalaani taanna atorfinippoq.

Isumaqatigiissutit isumaqatigiissutigineqartussanngikkaluartut

- Suliaq taanna ukiup affaata ingerlanerani iluarsiumaaripput takorloorsimavara. Nassuerutigissavara suliaq taanna naammassiuminaatsorujussuuvoq. Aaqqitassarpassuaqarpoq, aaqqiigaangattalu nutaamik takkuttoqartuaannarpoq.

Suliaq ataatsimut isigalugu kommunimut akisusoq, kommunimi pisortaaneq oqarpoq, maannakkorpiaq aaqqiissummnut ukiumut 30 mio. kr.-inik tapiissutinik akiliisarpoq.

- Ersarissumik akissaanga. Isumaqatigiissutit taakku isumaqatigiissutigineqartussanngikkaluarput. Tamanna qularnanngilaq. Akisuallaarpoq, inatsimmillu unioqqutitsiffiusimavoq, Ole Jakobsen oqarpoq, nangillunilu:

- Sanaartorniarluni ulapippallaartoqarsimavoq. Innuttaasut ilaannut iluaqutaavoq, kisianni inissianik pissarsiniarluni ulapippallaartoqarsimasoq nalilerpara, tamannalu akeqartarpoq.

Isumaqatigiissutini atukkat akisusinnaasut – aaqqiissutit isumaqatiginninniutigineqassapput

- Kommunitut atukkat misissornissaat pikkoriffigisimanngilarput, taanna nangilluni oqarpoq.

Kommuni isumaqatigiissutit ilaanni inissiat iluini silataannilu aserfallattaaliuinissamut akisussaasuusussaasoq, Ole Jakobsenip ilaatigut oqaatigaa, kiisalu isumaqatigiissutit qaangiunnerini inissiat attartueruttussaapput, pisullu ilaanni inissiat nutaatut iluarsaanneqartartussaallutik.

Kommuni innuttaasunut allanik inissianik peqanngimmat, kommunip tamanna pinngitsoortinniarlugu ilungersuutigaa, kommunimi pisortaaneq neriorsuivoq:

- Inissiani attartortorpassuavut soorunami pingaartillugit eqqumaffigaagut. Ilaqutariit taakkunani najugaqarput, taakkulu suliap matuma ingerlanneqarneranit sunnerneqassanngilluinnarput, Ole Jakobsen oqarpoq.

Kommuni qanoq ililluni isumaqatigiissutinit anissanersoq imaluunniit anisinnaanersoq suli inissinneqanngilaq. Tamanna Namminersorlutik Oqartussanut aamma inissiarpassuarnik piginnittunut isumaqatiginninniutigineqassaaq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER