Skip to main content

Kommuni tunniutiinnartoq: Eqqakkanik katersiniartoq

Nuummi eqqakkat aqquserngup sinaanut inissinneqarsimasut kommunip sulisuinit katersorneqaannarniarlerput. Kommuneqarfik Sermersuup nassuerutigaa eqqakkanik katersinissaq pillugu paasissutissiineq ersernerlussimasoq.

2016-ip ukiaanerani illoqarfiit pingaarnersaanni eqqaavinnik marlunnik angallattakkanik illoqarfimmi assigiinngitsunut inissinneqartartussanik aaqqissuussivoq, taakkuli eqqakkanik katersisarnermut taartissatut pilersinneqarsimangaluarpu. Taamaasiornikkut innuttaasut nammineq eqqakkanik immikkoortiterisalerlutillu tunniussisalertussanngoraluarput. Taama pisoqanngippat illoqutigiit tamaagaannaq eqqakkanit 25 meterinit ungasitsigisumit najungaqartunut kommunip eqqakkanik eqqaanermini aningaasartuutigisimasaanik akiligassamik nassinneqassapput.

Atuaruk: Nuummi eqqakkat kusananngitsut saqqummertut

- Aaqqissuussinernik allannguinerit piffissamik atuiffiujuaannarput, paasivarpullu eqqakkanik katersinissaq pillugu paasissutissiineq immaqa ilaatigut ersernerlussimasoq. Taamaattumik kommunip aalajangerpaa, aqquserngit sinaanni eqqagassanik katersilluni ataasiarluni kaajallaasoqassasoq. Tamanna sapinngisamik piaartumik pissaaq, Malene Lynge (IA), Kommuneqarfik Sermersuumi Sanarfinermut Avatangiisinullu Ataatsimiititami siulittaasoq, tusagassiuutinut nalunaarummi oqarpoq.

Illoqarfimmi ulluni kingullerni annertuumik kajumissutsiminnik Saligaatsumut tunngatillugu eqqagarpassuarnik katersilluataavittoqarsimavoq. Isigisarli kusanarpallaanngilaq.

- Innuttaasut suliffeqarfiillu taamak amerlatigisut illoqarfimmi sumi tamaani eqqagassanik katersisimaneri pitsaalluinnartuuvoq. Taamaattumik illoqarfimmi eqqagassanik katersilluni katersisoqaqqinnissaa maannakkut pissusissamisoorpoq, ataatsikkut marluk suliaralutigit, Malene Lynge oqarpoq, nangillunilu:

"Naggataaq"

- Innuttaasutut uagut eqqakkanik akisussaassuseqartumik passussineq pikkoriffiginerulertariaqarparput. Eqqakkanik taamatut periuseqarluta katersinerit kingullersaraat. Siunissami eqqagassaatitit annertuut eqqaavinnut angallattakkanut ukiumut marloriarlutit tunniukkiartortassavatit, eqqortumillu immikkoortiterneqarnissaannut ikiorneqarlutit. Imaluunniit ukioq kaajallallugu Eqqagassalerisarfimmut akeqanngitsumik tunniukkiartortarsinnaavatit. Eqqagassalerisarfimmut sianersinnaavutit eqqagassaativillu aaneqarnissaannut immikkut isumaqatigiissuteqarlutit, nammineerlutit pinngortitami eqqakkanik sumi tamaaniittunik katersisimaguit, kisianni eqqagassat annertuut matumani pineqanngillat – taavalu soorlu nillataartitsiviit, fjernsynit pequtilluunniit aqquserngit sinaannut inissittarnissaat pitsaasuunngilaq.

Malene Lyngep neriorsuutigaa siunissami ukiaanerani upernaakkullu saliisarneq pillugu pitsaanerusumik paasissutissiisoqartalernissaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER