Tunu
Kommuni piterareernerani ikiuisussanik sulisitsivoq
Tasiilami anorersuup aserorterinerata, Kommuneqarfik Sermersooq illoqarfimmi immikkut ittumik aaqqiisoqartissallugu iliuuseqartippaa
Tasiilami illut arlallit, inissiat umiatsiallu sakkortuumik piterareernerata kingorna annertuumik anorersuarnermit ajoqusersimapput.
Taamaattumik borgmesterip aalajangiuppaa, pisumut immikkut ittumik kommuni suliniuteqarluni ikiuutissasoq.
- Piterareermat illoqarfimmi tamarmi iluarsartuussileruttorpugut. Annertunerusumik ajoqusertoqannginniassammat annaasaqaateqartoqannginniassammallu, maannakkorpiaq inissiat illullu patajaallisarneqarnissaat pisariaqartumillu annertuumik iluarsartuussassat pingaarnerpaajutinneqarput, Hans Henrik Winther Johannsen, sanarfinermut avatangiisinullu ingerlatsivimmi sulisut pisortaat taamatut oqarpoq.
Aamma atuaruk: Partiinit illuatungeriinnit kaammattuut: Piteqqamit eqqugaasut ikiorsigit
Amerlanerit ikiuutissapput
Kommuneqarfik Sermersooq anorlersimanerata kingorna illut aamma qaliaasa allallu aaqqissorneqarnissaannut inunnik amerlanerusunik atorfinitsitsivoq.
Anorersuareermat illut marluk pingasut annertuumik eqqorneqarsimapput qaliai aserorsimallutik, maannakkorpiarlu qaliat aserornikut iluarsartuunneqaleruttorput.
Pissutsit patajaallisaaffiginiarlugit Piterareermat ajoqusertoqarsimanerani innuttaasut inisseqqinneqarnissaat pisariaqassappat Kommuneqarfik Sermersuup Iserimmut utaqqiisaasumik init marluk piareersimateqqusimavai.
Atuaruk: Piteqqamut eqqugaasut pillugit akissutissarserusuttoq
Assit takukkit: Tasiilami piteraq sakkortooq