Skip to main content

Kommuni: Kangerlussuarmi nutarsarneqarnissaanut Naalakkersuisuit akinik ilumuunngitsunik taakkartuipput

Kangerlussuarmi mittarfiup nutarsarneqarnissaanut Namminersorlutik Oqartussanit piviusumit qaffasinnerusumik nalilerneqartoq Qeqqata Kommunia isumaqarpoq.

Namminersorlutik Oqartussat 'akiusinnaasumik' Kangerlussuup mittarfia nutarterneqaraluarpoq 1,5 milliardit koruuninik naleqassasoq 2015-mi aasakkut saqqummiuppaat. 

Taamaattumik missingersuutit naatsorsorluakkat Qeqqata Kommuniani kommunalbestyrelsimi ilaasortat februaarip 23-ani Namminersorlutik Oqartussanut aningaasartuutissanik eqqortumik takutitsisussamik suliaqartoqaqqullugu kaammattuutigaat.

Qaammatip ataatsip ingerlanerani qaffarujussuarpoq

Borgmester Hermann Berthelsenip (S) 2015-imi nipituuliuutigalugu tupigusuutigaa mittarfiup suliarineqarnerani aningaasat 1,5 milliardit koruuniunissaat.

Aningaasartuutimmi missingersuukkat qaammatip ataatsip ingerlanerinnaani 250 millionit koruuninit 500 millionit koruuninut qaffariarlutik kingornatigut 1,525 millioninngormata. Naatsorsuutit Mittarfeqarfinnit suliarineqarput.

Atuaruk: Akiligassat milliardit mittarfiit nalorninartorsiortippaat

Siunnersuisartunit misissorneqarpoq

Mittarfik suli atorluarneqarsinnaasoq 2015-imi novembarip qaammataani ARTEK inerniliivoq.

Tamassuma kingorna nunani tamalaani siunnersuisarfik SWECO pissutsinik misissuivoq. Februaarimilu nalunaarusiaq Qeqqata Kommunianut tunniunneqarluni.

Kommunip allaffeqarfia naapertorlugut aningaasartuutissat 1,5 milliardit koruuninik ikinnerussasut SWECO inerniliutigisimavaa.

- SWECO-p eqikkaalluni nalunaarusiamigut, ARTEK-imi ilisimatuut misissuisimanerat tapersersoraat isikkoqarpasippoq, imaappoq nutarterneqarnissaanut pisariaqassuseq 1,5 mia. koruunit tikillugit naleqassanngitsoq, allaffeqarfik kommunalbestyrelsimut allappoq.

Atuaruk: Borgmesterip akiligassat 2 milliardit tunuliaqutaat tusarusuppaa

Naatsoorsuinermik nutaamik perusuppoq

SWCO-p inerniliinera tunngavigalugu naatsorsuineq siulleq naleqqunnerusoq pisortaqarfik isumaqarpoq.

- Allaffeqarfiup nalilerpaa, Kangerlussuarmi mittarfiup nutarterneqarnissaanut pisariaqassusivik, taamanimi 2015-imi nutarterneqarnissaa 250 mio. koruuninik naleqassangatippaat.

Tamanna tunuliaqautaralugu 'Namminersorlutik Oqartussat nunat tamalaat akornanni siunnersortimik atuillutik piaartumik nutaamik missiliuusiortitsinngippata, taava Qeqqata Kommunia nammineerluni taamatut missiliuusiortitsisariaqarpoq, taamaalilluni innuttaasut, inuutissarsiutillit aningaasaliisartullu pissutsinik piviusunik tunngaveqarsinnaaniassammata.'

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER