Kommuni akitsuutinut akileerujussuartalersinnaasoq
Biilit innaallagiatortut hybridbilillu akitsuuserneqarnissaannik inatsisissatut siunnersuut akuerineqassappat kommuneqarfiit pingaarnersaat ukiumut millionit affangajaannik akiliuteqartalissaaq.
Inatsisartut amerlanerussuteqarlutik inatsisissatut siunnersuut akerleriissutaasoq akuersissutigissappassuk, Kommuneqarfik Sermersuup biilinik innaallagiartortunik hybridinillu amerlasuunik biiliuteqalernermigut ukiumut 400.000 koruunit missiliorlugit akitsuutinut akiliuteqartalernissani naatsorsorsimavaa.
Akerlerineqangaatsiartoq
Stor modstand
Akitsuutit nutaat Naalakkersuisoqataasut ilaannit akerlerineqarpoq, Naalakkersuisullu taamatut siunnersuuteqarsimanerat Kommuneqarfik Sermersuumi Sanarfinermut Avatangiisinullu pisortaanerata, Han Henrik Winther Johannsenip eqqumiiginartoqartippaa.
- Nuna tamakkerlugu avatangiisimut illersuiniarluni avaqqunneqarniarnera eqqumiippoq. Taamatut akitsuusersuisoqarniarnera ilisimasimangaluarutsigit hybridertortunik pisiortorsimassanngikkaluarpugut, pisortaaneq Hans Henrik Winther Johannsen, Sermitsiaq.AG-mut paasissutissiivoq.
Politikkikkut nalunaaruteqarnerit upperineqarsimasut
- Politikerit ikummatissamik atuinerup annikillisarneqarnissaanik takorluugaqarnerat upperalugu ukiuni kingullerni biilitivut taarsersorsimavagut. Qularutissaanngilaq biilinut taama ittunut tuniniaanerup sunnerneqarnissaa. Akitsuutit pissuserisanut nalimmassarneqassasut, pisortaaneq kommunip orsersortarfinnik ikkussuititsinerani suleqataasimasoq oqarpoq.
Politikkikkut avatangiisimut nalunaaruteqarsimaneq aallaavigalugu kommunip kommunimut pilersaarummi illoqarfiup ineriartortinneqarnerani orsersortarfiit ilanngunneqarnissaat piumasaqaatinut ilanngussimavaat. Inatsit akuerineqassappat inissat tamaangaannartinneqartussanngortut.
Tusarniaanermut isornartorsiulluni akissuteqaat
Kommuni tusarniaanermut isornartorsiuilluni akissuteqarsimavoq, Hans Henrik Winther Johannsenillu neriutigaa, Naalakkersuisut akitsuusersuinissamik politikkerisartik unitsillugu avatangiisimut illersuinissamik anguniagaqassasut.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...