Skip to main content

Kommuneqarfik Sermersuup naatsorsuutai malinnaavigineqarsinnaalerput

Kommuneqarfik Sermersooq nunatsinni kommunini kisiartaalluni maanna qaammatikkuutaartumik naatsorsuutit tamanut saqqummiuttalerpai

Nunatsinni kommuunit inoqarnersaanni, Kommuneqarfik Sermersuumi, innuttaasut akileraarutit qanoq aqunneqarsimanersut qaammatikkaartumik malinnaavigisinnaanngorpaat.

Kommuunimi aalajangersimavoq qaammatikkaartumik naatsorsuutini kommuunip nittartagaanut ukioq mannamit aallartittumik ilisalerniarlugit, maannalu januarimut februaarimullu naatsorsuutit kommuunip nittartagaanut ilineqareersimalerput.

Kommuneqarfik Sermersuumit nalunaarutigineqartut naapertorlugit qaammatikkuutaartumik naatsorsuutit tamanit takuneqarsinnaalersinneri aallaaveqarpoq aaqqeeqqinnissamik pilersaarummi ukioq kingulleq kommunalbestyrelsemit akuersissutigineqarsimasut ilaat.

Ammasuuneq upperaat
- Ammanerulerneq upperaarput, taamaattumillu isumaqarpugut innuttaasut aningaasaqarnitta qanoq ingerlaneranik ataavartumik malinnaatinneqarnissaat pissusissamisuuinnartoq”, taama oqarpoq Kommuneqarfik Sermersuumi borgmesteri Asii Chemnitz Naarup Inuit Ataqatigiinnersoq.

Kommuneqarfik Sermersuup qaammatikkuutaartumik naatsorsuutai tamarmik naammassineqarnerminnit kommuunip nittartagaani siunissami  takuneqarsinnaassapput, kingusinnerpaamik qaammatip ataatsip qaangiunneranni.

Januarimi naatsorsuutit uani takukkit

Februaarimi naatsorsuutit uani takukkit
 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER