akisussaaqataaneq
Kommuneqarfik Sermersuup inuiaqatigiinnut akisussaaqataaneq eqqumaffiginerulerpaa
Kommunip aamma CSR Greenlandip suleqatigiinnermut isumaqatigiissutertik nutarterpaat
Kommuneqarfik Sermersuup aamma CSR Greenlandip akornanni suleqatigiinnissamut isumaqatigiissut sapaatip-akunnerani kingullermi borgmester Asii Chemnitz Narupimit (IA) aamma CSR Greenlandimi siulersuisunut siulittaasumit, Brian Buus Pedersenimit atsiorneqarpoq. Kommuni taama ilisimatitsivoq.
Suliffeqarfiit kajumitsissagaat
Kommuneqarfik Sermersooq aamma CSR Greenland ataatsimoorlutik suliffeqarfiit mikinerusut akunnattumillu angissuseqartut kommunimi CSR-mik sulinerulernissaanik kajumissaassavaat, tassa inuiaqatigiinnut akisussaaqataajumatinnerulissavaat.
Immikkoortut sisamat
Suliniutit uku iluanni immikkut ukkatarineqarnerussapput:
- Ilanngussineq aamma suliffeqarfeqarfiit
- Ilinniarneq aamma piginnaasanik ineriartortitsineq
- Avatangiisit
- Niuerniarneq aamma tuniniakkat
Attaveqarfissat
Illuatungeriit aamma attaveqarfissanik pilersitsisimapput, taakku suleqatigiinnermi nalunaarsuusiussapput.
Atuaruk: Ilulissani suliffeqarfiit nunani avannarlerneersut naapittut