suliffeqarneq
Kommuneqarfik Sermersuumi tikisitat amerlanerusut
Suliffeqarfiit nunanit allaneersunik tikisitsinissaannut kommuunip maannamut 93-eriarlutik akuersissuteqarfigisimavai
Kommuneqarfik Sermersuup Isumaginninnermut, Sulifeqarnermut aamma Inuussutissarsiornermut ataatsimiititaliaata qaammatini qulingiluani 93-eriarlutik suliffeqarfiit nunanik allaneersunik tikisitsillutik sulisoqarnissaannut akuersissuteqarfigisimavai. Nuuk TV taama ilanngutassiivoq.
Ataatsimiititaliaq 2014-imi inunnut nunani allaneersunut 50-iusunut sulilernissamut akuersissuteqarsimavoq, 50-illu allat akuersissutitik sivitsortsissimallugit.
Atuaruk: Tikisitat eqiasuinnerupput
Nammineq akuersineq
Tassani aamma ilaapput, kommunip ukioq kingulleq qinnuteqaatit suliarillugit angumerinngitsuugaat ullut 14-it iluani suliarineqartussat. Taamaattoqartillugulu suliffeqarfiup nammineq aalajangikkaminik tikisitaq sulilersissinnaavaa.
Tikisitat affaat sinnerlugit igasuupput igaffimmilu ikiortaallutik, sisamaraarterutaallu sanaartornermi sulisuullutik, Nuuk TV paasissutissiivoq.
Atuaruk: Tikisitat nivattuusarnerat Siumup tupigusuutigigaa