Kommuneqarfik Sermersuumi allaffiit tamarmik matuneqartut
Coronavirusip tunillaassuunnginnissaa pillugu malittarisassat sukaterneqarnerisa kingunerisaannik kommunimi allaffiit aqagumiit aallartittumik matuneqassapput. Meeqqanut inuiaqatigiinni pingaarutilimmik inissisimasunik angajoqqaalinnut ajornartoornermi paaqqinnittarfinnik neqerooruteqartoqarpoq atuarfiillu ammatinneqarlutik.
Inuup allap coronavirusimik tunillatsissimanerata paasineqarnera pissutigalugu Nuuk matuniarlugu aalajangertoqarmat, kommuni immikkut illuinnartunik iliuuseqarpoq.
- Tassa innuttaasunut kiffartuussiviit, isumaginnittoqarfiit, meeqqeriviit atuarfiillu matuneqarput. Taamaattorli meeqqat inuiaqatigiinni pingaarutilimmik inissisimasunik angajoqqaalinnut ajornartoornermi paaqqinnittarfinnik piareersimasoqassaaq. Angajoqqaajuguit taamatut inissisimallutit meeqqavit meeqqeriviata pisortaa attavigissavat, kommunimit nalunaarutigineqarpoq.
Meeqqat meqqeriviannut tunniuguk
Attaveqaqatigiinnermi pisortap Lars Damkjærip ilisimatitsissutigaa, atuarfiit meeqqeriviillu tamarmik ammaniartut. Tassa angajoqqaat inuiaqatigiinni pingaarutilimmik inissisimasut meeqqaminnik maannamutut meeqqarp meeqqeriviarnut suli tunniussisinnaapput.
Atuarfinnik tamanik matusiniarnermut peqqussut taamaalilluni allanngortilaarneqarpoq. Meeqqat inuiaqatigiinni pingaarutilimik innissisimasunik angajoqqaallit isumagineqarnissaannut sumiiffinni tamani upalungaarsimasoqassaaq.
Kommuni ilanngullugu allappoq:
Isumaginninnermi pigaartoq suli oqarasuaatit 366060 imaluunniit 555731 imaluunniit maili meeqqavut@sermersooq.gl aqqutigalugit attavigineqarsinnaassaaq
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...