Skip to main content

Kommuneqarfik Sermersuumi 47-t soraarsinneqartut

Kommuneqarfik Sermersuup aappaagumut sipaarniartussanngornermi kinguneranik sulisumi ilaat 49-t suliunnaarsinneqarnissaannut pilersaarummik ilisimatippai

Kommuneqarfik Sermersuup sulisut 75-it soraarsinneqarsinnaanerat pillugu septembarip 25-ani nalunaaruteqarpoq. Tamanna pivoq naligiissaarinermut aaqqissuusseqqinnerugallartussap, oqallisaasimaqisullu, kinguneranik kommuuni immikkut 54 million koruunik naligiissaarinermut 2015-imi pilliuteqartussanngormat. Naligiissaarinermut aaqqissuussinnerugallartussaq 2015-imut atuuttussaq aningaasaqarnermut nunamullu namminermut naalakkersuisuusimasup, Siumumeersup Vittus Qujaukitsup, aalajangigarigaluarpaa.

Kisianni naligiissaarinermut aaqqissuusseqqinnissaangaluaq qinersinissap oktobarip aallaqqaataani suaarutigineqarnerata kingorna unitsinneqarallarpoq. Tamatumalu kingorna 2014-imut naligiissaarinermut ileqqoq atorneqarsimasoq 2015-imut atorneqaqqinnissaa siunniunneqarluni.

Atuaruk: Kommuneqarfik Sermersooq mianersortumik missingersuusiorniarpoq

Kommuneqarfik Sermersooq mianersortumik missingersuusiorniarpoq
Kisianni taamaakkaluartoq Kommuneqarfik Sermersooq aalajangerpoq, borgmester Asii Chemnitz Narup oqarnera malillugu, mianersortumik missingersuusiorniarluni 2015-imut. Qinersereernerummi kingorna Naalakkersuisuutitaqalersussat kommuuninut nutaamik isumaqatigiissusiornissaminnut periarfissaqarmata.

- 54 millioner koruuninik ilanngaasoqarnissaa tunngavigalugu missingersuusiortariaqarpugut. Tassatuaavoq akisussaassusilimmik iliuuseqarneq. Piumasaqaat upernaamut tusarliunneqassappat, uagullu piareersimaffiginagu, kommune ajornartorsiorujussualersinnaavoq, Asii Chemnitz Narup oktobarip 7-ani taama oqarpoq.

Maannalu tassa kommuunit akornanni aningaasaqarnikkut nalorninartumik inissinnerup kinguneranik Kommuneqarfik Sermersooq sulisuminik soraarsitsisariaqalersimavoq.

Atuaruk: Naligiissaarinermik aaqqissuussinissaq unitsinneqarallarpoq

Sulisut 47-t suliunnaarnissaannik nalunaarfigineqartut
Taamaattumik kommuunip sulisut 47-t ulluni kingullerni aggersartaqattaarsimavai ilisimatillugit suliffimminnit atorfimminni soraarnissamut isumaqatigiissutaasut naapertorlugit soraarnissaannik aalajangiiffigineqarsimasut.

Pingasunngornerlu borgmester Asii Chemnitz Narup  malillugu ulloq kommuunimut oqimaatsuusimavoq:

- Kommuneqarfitsinni ullumi ulloq (pingasunngorneq, aaqq.) oqimaatsorsiorfiuvoq. Sulisutsialaat 49-t soraarsitaapput (47-t pineqartut pisortaaneq sisamanngornermi ilisimatitsivoq, aaqq.) aappaagumut missingersuutit sipaarfiusussaanerat pissutaalluni. Pineqartut misigeqatigeqaakka, ajunnginnerpaamillu inuunerminni ingerlariaqaqqinnissaannik kissaallugit, Asii Chemnitz Narup Facebookimi pingasunngornermi taama allappoq.

Sulisut 47-t kommuunip paasissutissiinera malillugu oqaloqatigineqarnissamut aggersarneqarsimapput. Oqaloqatigineqarneranni ilisimatinneqartarsimapput kommuunip suliunnaarnissaannut aalajangiinerannik aammalu periarfissinneqartarsimallutik kommuunip aalajangerneranut illuatungiliinissaminnut.

Kommuneqarfik Sermersuup pisortaanera, Steffen Ulrich-Lynge, oqaaseqartinniarlugu suli iluatsinngilarput.

Atuaruk: Sermersuumi sulisut 75-it soraarsinneqarput

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER