Kommunemi pisortaaneq toquvoq

Kommune Kujallermi pisortaaneq Kim Dahl 56-inik ukioqarluni toquvoq.

Kim Dahl, Kommune Kujallermi borgmester Kiista P. Isaksenilu. Kim Dahl 56-inik ukioqarluni toquvoq.

Kommune Kujallermi pisortaaneq, Kim Dahl, sapaatip ullaavani toquvoq.

Kommunep pisortaa 56-inik ukiulik, sapaatip akunnerata aallartinnerani iluaalliuteqalersimavoq peqqissaavimmullu unitsinneqarsimalluni. Sermitsiaq.AG-p ilisimatinneqarnera naapertorlugu uummammigut milikartoorsimavoq, Nuummullu Dronning Ingridip Napparsimmavissuanukaanneqarsimalluni.

Kommunalbestyrelsep ataatsimoortup Kim Dahl pisortaanissatut januaarimi 2018-imi toqqarpaat.

Isumaginninnermi siunnersortiuvoq, aqutsisutut qaffasissumik ilinniarsimasuulluni inatsisilerinermik sullissisutullu ilinniagaqarsimalluni.

Kommune Kujallermi borgmester Kiista P. Isaksen Facebookimini allappoq annaasaqarnermini aliasulluni Kim Dahlilu maqaasissallugu.

Kim Dahl nuliaqarpoq qitornaqarlunilu.

Powered by Labrador CMS