Skip to main content

Kommunefogedit sumiiffinni amigaataasut

Kommunefogedit aatsaat taamak amerlatigingaluartut, nunaqarfiit arfinillit suli kommunefogedeqanngillat.

Kalaallit Nunaanni Politiit ukioq manna siusinnerusukkut oqaluttuaraat, amerlanerusunik kommunefogedissarsiorluni suliaqarsimaneq iluatsilluarneqarsimasoq.

- Kommunefogedit ullumikkut 59-iupput, tassa aatsaat taamak amerlatigalutik, ilaatsigut Folketingimi Kalaallit Nunaannut tunngatillugu Ataatsimiititaliamut killiffik pillugu allakkami allassimavoq.

 Nunaqarfiilli arfinillit suli kommunefogedeqanngillat, inatsisinik atuutsitsinermut ministeri Nick Hækkerup (Soc) Kalaallit Nunaannut tunngatillugu Ataatsimiititaliami ilaasortamut Aaja Chemnitz Larsenimut (IA) akissuteqarnermini ilisimatitsisimavoq.

Nunaqarfinni arlalinni sulisut amerlineqarsimasut

- Nunaqarfiit Eqalugaarsuit, Qassimiut, Kuummiut, Napasoq, Qaarsut aamma Ukkusissat kommunefogedeqanngillat, inatsisinik atuutsitsinermut ministeri allappoq.

Sulisussarsiornermut atatillugu nunaqarfinni arlalinni sulisut amerlineqarsimapput. Suliniut aqqutigalugu kommunefogedit suliassaqarpallaartarnerat oqilisinniarneqarsimavoq, suliffillu pilerinarsarneqarsimalluni.

- Nunaqarfinni Sermiligaami Tiniteqilaamilu kommunefogedit 2019-imi novembarip aallaqqaataani ataasiiaannajunnaartillugit marlunngortinneqarsimapput. Attumi kommunefogedit 2020-mi martsip aallaqqaataani marlunniit pingasunut amerlineqarsimallutik. Aamma Atammimmi kommunefogedit ataatsimiit marlunnut amerlineqarnissaat sulissutigineqartoq, inatsisinik atuutsitsinermut ministeri allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER