nunaqarfiit
Kommunefogedit peqatigiiffiat: Nunaqarfiit anginerusut isertitsiviit pisariaqartippaat
Nunaqarfiit inatsisitigut isumannaatsuunerisa naammaginartuuneranik politimesterip oqarnera kommunefogedit peqatigiiffianni siulittaasup akerlilerpaa
Kommunefogedit peqatigiiffianni siulittaasoq Isak Christensen isumaqanngilaq nunaqarfinni inatsisitigut isumannaatsuuneq naammaginartuusoq. Taamatut paasissutissiivoq knr.gl.
KNR-p paasissutissiinera naapertorlugu nunaqarfinnit 57-init 12-t kommunefogedeqanngillat. Nunaqarfiilllu tallimaannaat isertitsiveqarput.
Angerlarsimaffitsik atortarpaat
Pisuni ajornerpaani kommunefogedit tigummigallagaqarnerminni angerlarsiaffitsik atortariaqartarpaat, Isak Christensen KNR-mut oqaluttuarpoq.
– Sakkortuumik pisoqarsimatillugu kommunefogedit angerlarsimaffii unnuisitsinermut atorneqartarput. Allamut inississinnaanngikkaangatsigit angerlarsimaffitsinneeqatigisarpavut, taanna oqarpoq.
Taamaattumik kommunefogedit peqatigiiffianni siulittaasoq isumaqarpoq nunaqarfiit anginerusut isertitsiveqartariaqartut.
– Pissusissamisuuginnarpoq nunaqarfiit anginerit aamma isertitsiveqarnissaat, Isak Christensen KNR-mut oqarpoq.