Skip to main content

Kommune Kujallermi makkunani ineqarnermut akiliut apparneqassaaq

Kujataani inoqutigiinni 240-ni ineqarnermut akiliut ukiut nikinneranniit appartinneqangaatsiassaaq

Tallimanngormat ualikkut Kommune Kujallermi borgmesterip Jørgen Wæver Johansenip (S), tamanut saqqummiuppaa januaarip aallaqqaataaniit ineqarnermut akiliutit appartinneqarnissaat kommunip qanoq ingerlanniarneraa.

Ineqarnermut akilitip appartinneqarnissaanut apeqqutaavoq attartortut ataasiakkaat sumi najugaqarnerat, appaatissarlu 10,3-13,2 procentip akornanniippoq.

Kommune Kujalliup Sermitsiaq.AG-mut oqaatigaa ineqarnermut akiliutip appartinneqarnera kommunimi tamarmi atuutissasoq, pingaartumilli ´kommunimi illoqarfinni mikinerusuni nunaqarfinnilu´.

Ataatsimoorluni aalajangigaq

Attartortut katillugit 240-t ineqarnermut akiliutaat malunnartumik appartinneqassaaq, 10 procentimik annertunerusumilluunniit, kommunimi qullersaqarfimmi ataqatigiissaarisoq Sermitsiaq.AG-mut oqaluttuarpoq.

Tamannalu Kujataani inoqutigiinnut malunniuteqarluassaaq.

Ineqarnermut akiliutit appartinneqarnissaat kommualbestyrelsip ataatsimoorluni akuersissutigisimavaa, tamannalu inissiaatileqatigiiffimmut INI-mut, kommunip illuutaanik ingerlatsisumut, paasissutissiissutigineqarsimavoq.

Ineqarnermut akiliutip appartinneqarnera piviusunngussaaq tunineqarnerani akiata nalinga malillugu ineqarnermut akiliutissap naatsorsorneqarneratigut.

Borgmesteri nuannaarpoq

– Pimoorussamik piareersaareerluta ineqarnermullu akiliutit suliarereerlugit, nuannaarutigeqalugu attartortut appaanernik tamakkuninnga neqeroorfigisinnaagatsigit, tamatumani angusat kikkunnut tamanut iluaqutaassallutik - minnerunngitsumik innuttaasunut nunaqarfimmiunut illoqarfinnilu mikisunerusuni najugalinnut, borgmester Jørgen Wæver Johansen (S) oqarpoq.

Tamanna peqatigalugu Kujalleq akissaqalersimavoq illuutut sumiginnarneqarsimasut, oqummik eqqugaasut allatulluunniit aserfallassimasut, nutarterneqarnissaannut.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER