Kommune Kujallermi aqutsisut pasillerneqartut
Kommunimi innuttaasunit, inuussutissarsiortunit aqutsisoqatigiinnillu aqutsisut pissaanermik atornerluisimasutut pisortallu aningaasaataannik atornerluisimasutut pasillerneqarput, pasilliutilli tamarmik aqutsisunit ilumuunnginnerarneqarput
Kommune Kujallermi innuttaaqatigiit arlalissuarnik inuttaqartut kommunimi aqutsisunik tatiginnikkunnaarsimapput. Taamaammat aqutsisut iliuuserisimasaannut pisortallu aningaasaataannik atuisimanerannut upernaaq arlaleriarlutik akerliussutsimik takutitsisimapput, Sermitsiaq allappoq.
Aqutsisoqatigiit kommunaldirektørimut Kim Dahlimut allakkani apriilip 7-ani ullulerneqarsimasuni vicekommunaldirektørimut Carsten Frank Hansenimut sualulluinnartunik pasilliuteqarput. Inuussutissarsiortullu kommunip kukkunersiuisuinut eqqartuussissuserisuanullu apriilimi allakkaminni vicedirektørimut tassungarpiaq aamma sualulluinnartunik pasilliuteqarput. Tamanna kommunaldirektørimut ulloq taanna ingerlateqqinneqarpoq.
Innuttaasunik oqaloqateqarusunneq
Pasilliutini pineqartut tassaapput atorfigisamik atornerluineq, sulisunut pissusilunneq taakkualu ima sualutsigisumik pimmatigineqartutut misigisimalersarlutik allaat sioorasaarneqartut misigimalersarlutik ersilersarlutillu.
Kommunaldirektør Kim Dahl tamatumunnga oqarpoq, aqutsisut sulisunik qunusaarinissamik ersiortitsinissamillu, ingammillu ”atorfimmik atornerluinissamik” siunertaqanngisaannarsimasut.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: