Skip to main content

Kommune Kujallermi angerlarsimaffimmi ikiorteqarneq kipiluttunartoq

Qaqortumi innarluutillit peqatigiiffianni, 30-t missaanni ilaasortaqartumi siulittaasoq, Thale Simonsen, peqatigiiffimmi ukiut 30-t missaanni ilaasortaasimavoq, innarluutillillu kattuffianni KNIPK-imi piffissap ilaani siulersuisuni ilaasortaasarsimalluni.

 Thale Simonsen nammineerluni innarluuteqanngilaq, uinili 1986-imi milikartoormat, peqatigiiffimmi ilaasorsortanngorluni. Taassuma uini ukiuni 21-ni angerlarsimaffimminni paaqqutaraa. 

Aviisi Sermitsiaq taama allappoq.

Ukiut kingulliit arlallit angerlarsimaffimmi ikiorteqarnerup tungaatigut innarluutillit ilungersunartumik sullinneqartarnerat, innarluutillit peqatigiiffiannit maluginiarneqarsimavoq. 

- Angerlarsimaffimmi ikiortit ornigunniartarnerat ajornartorsiutaasarpoq, tamannalu innarluutilinnut ullut tamaasa ikiorserneqarnissaminnut pisariaqartitsisunut annertuumik sunniuteqarnerluttarpoq, taanna oqarpoq. 

Angerlarsimaffinnilu ikiortit sivikippallaamik sulisinneqartarnerat, peqatigiiffimmiit aamma akuersaaruminaatsinneqarmat, tamannalu kommunimut arlaleriarluni saaffiginnissutigineqartarsimasoq, taanna oqarpoq. 

- Tamannali sipaarniarnermik peqquteqartoq kommunimit oqaatigineqartarpoq. Aammali innarluutillit ilai angerlarsimaffinni innarluutilinnut tulluussagaanngitsuni najugartut ilisimavarput. Taamaattumik innarluutilinnik sullissineq kommunep tamakkiisumik nammassinnaanngikkaa isumaqarpunga, Thale Simonsen oqarpoq. Angerlarsimaffinni ikiortit sipaarniarfigineqarnerat taamatut sulinissap ornigineerukkiartorneranik kignuneqartoq taanna isumaqarpoq.

Pissutsit taamaannerat pissutigalugu Namminersorlutik Oqartussat Kommune Kujallermut innarluutilinnik sullinneq pillugu qulaajaajartortariaqartut, taanna isumaqarpoq. 

Aviisimi Sermitsiami atuarnerusinnaavutit:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER