Kujalleq

Kommune Kujallermi aatsitassanut tunngasunut siunnersorti nutaaq

Nunatsinni geologit siuttuat nutaamik atorfittaarpoq

Ole Christiansen Nunatsinni aatsitassarsiornermut tunngatillugu ilisarisimaneqarluarpoq

Kommunip aatsitassanut tunngatillugu suliaqarnera annertusarniarlugu Kommune Kujalliup geologi, Ole Christiansen, kommunimi immikkut siunnersortitut aggustip aallaqqaataa aallarnerfigalugu atorfinitsippaa. Kommuni tusagassiuutinut nalunaarummi ilisimatitsivoq.

Atuaruk: Pisortaaneq Ole Christiansen Nunamineralsimit tunuarpoq

Ilisimasaqarluartoq
Ole Christiansen NunaMineralsimi ukiorpassuarni pisortatut aammalu aatsitassanut tunngasunik ilisimatuutut atorfeqarsimanerminit aatsitassarsiornerup silarsuaanut ilisimasaqangaatsiarpoq.

Taanna kalaallinut inuiaqatigiinnut tunngasunik tunuliaqutaqarluarpoq, nunatsinnilu aatsitassarsiornermut tunngasunik immikkuullarissunik ilisimaqarluni, kommuni naqissusiivoq.

Ole kommunimi sulisut akornaniilissaaq, Qaqortumilu borgmesterip allaffeqarfiani allaffeqassalluni.

Atuaruk: Nunamineralsip akiliisinnaajunnaartutut nalunaarutiginissaanik Ole Christiansen piumasaqartuuvoq

Powered by Labrador CMS