missingersuutinik sippuinerit
Kommune Kujalleq paatsiveerunnersuarmit nalaanneqartoq
Kommuni Kujalleq missingersuutinik qaangiivoq, sinneqartoorutissaagaluarlu amigartoorujussuarnermik taarserneqarpoq
Aseruisumik qitiusumut kattussuussineq, kommunillu akornanni atugassarititaasut naligiinngitsut. Tamanna Kommuni Kujalliup suli aningaasaqarnikkut ajornartorsiorneranut, sulilu Aningaasanut Naalakkersuisoqarfimmit nakkutigineqarneranut patsisaapput.
Oqaluttuarlu taanna kommunip kujataaneersup ukiuni arlertuni aalajangiusimaniarsaraa. Tamannalu kingullermik sapaatit akunnerisa marluk matuma siorna tusagassiutinut nalunaarummi pivoq. Aappaatigulli Kommuni Kujalleq pillugu kukkunersiuisut misissuineri tamanut saqqumitinneqartut qissimikkaanni, kommunip nammineerluni aningasanik aqutsinerliornermut akisussaanera takuneqarsinnaavoq.
2013-imullu tunngatillugu kukkunersiuinerni missinersuutinik annertuumik sippuinerit takuneqarsinnaapput, kommunimi aningaasartuutinut kommunalbestyrelsip akuersissutigisimanngisaanut akiliigallarsimavoq.
Ataatsimullu isigalugu kukkunersiuisup Jan Hansenip kommunip suleriaasia aqunneqarneralu ‘ukiumi naatsorsuusiorfiusumi pitsaasumik ingerlasimanninnera’ oqaatigaa.
Allaaserineqartoq Sermitsiami atuarneqarsinnaavoq. Aviisi sapaatip akunnerani matumani saqqummersoq ataani pisiarineqarsinnaavoq: