Kommune Kujalleq nunatsinni kommunini aatsitassarsiorfiusuni siuttunngorsinnaasoq
Kommune Kujallermi Greenland Mineralsip Kuannersuarni suliniutaanut VVM pissangalluinnarluni maanna utaqqineqalerpoq
Greenland Minerals Ltd. Aatsitassarsiorfiup pilersinneqarnissaanut piffissamut aalajangiisuusumut appakaakkiartulerpoq. VSB-mik taaneqartoq (inuiaqatigiinnut sunniutissanik nalilersuineq) aatsitassarsiornerup ingerlanneqarnerani atuuttussaq oqaluuserineqareersimavoq akuersissutigineqareerlunilu. Maanna VVM-ip (avatangiisinut sunniutissanik nalilersuineq) aatsitassarsiornermik ingerlanneqarnerani atuuttussap suliarineqarnissaa utaqqineqaannalerpoq.
Aviisi Sermitsiaq taama allappoq.
Aatsitassanik Suliassaqarfinnut Avatangiisinut Aqutsisoqarfimmit uppernarsarneqarpoq, Kuannersuarni suliniummut avatangiisinut sunniutissat pillugit nassuiaammut missingiut nutartigaq juunip 17-iani 2019-imi tiguneqarsimavoq. Atortussat nutarterneqarsimasut Aatsitassanik Suliassaqarfinnut Avatangiisinut Aqutsisoqarfimmit aamma Nationalt Center for Miljø og Energimi, Aarhus Universitetimi (DCE) aamma Pinngortitaleriffimmi siunnersortitsinnit misissuataarneqaleruttorput, Aatsitassanik Suliassaqarfinnut Avatangiisinut Aqutsisoqarfimmi aqutsisoqarfiup pisortaa Najaaraq Demant-Poort ilisimatitsivoq.
Suliffissaaleqisoqangaatsiartoq
Kommune Kujalleq nunatsinni suliffissaaleqiffiunerpaavoq tamatumalu kinguneranik innuttaasunit qimagarneqarluni. Taamaammat kommunimi suliffissanik nutaanik pilersitsiortornissaq pingaarnersiuinermi qaffasissumik inissisimatinneqartoq, kommunimi aatsitassarsiornermut tunngasuni siunnersorti, ujarassiooq Ole
Christiansen, paasissutissiivoq.
Taamaammat Kommune Kujallermi VVM-imut tunngasut suliarineqarnerat pissangalluni utaqqimaarneqarpoq.
Allaaserisaq tamaat aviisimi Sermitsiami atuarsinnaavat – uani ataani pissarsiariuk: