Skip to main content

Kommune kaammattuivoq Uummannaq immikkut assartuummik umiarsuaqartitaqqullugu

RAL-ip sikoqanngittarnera atorluarnerusariaqarpaa, Uummannami tunisisarnerup unitsinneqartarnera pinngitsoorteqqinniarlugu

Avannaata Kommuniata RAL kaammattorpaa, qerititsiviit imaarniarlugit sikoqannginnerani immikkut assartuummik Uummannamukartitseqqullugu.

Avannaa Seafoodip saaffiginnissuteqarsimanera tunngavigalugu kaammattuuteqartoqarpoq. Quersuimmi ulikkaariaannaapput, taamaalippallu aalisakkanik tunisisarneq suliarinnittarnerlu unitsinneqassaaq.

- Umiarsuaq aalisakkanit tunisassianik kingullermik assartuisussaq Uummannamiit 2019-imi decembarip aqqarnani aallassasoq paasisimavarput. Tamatuma malitsigisaanik illoqarfimmi aalisakkerivik aalisakkanik tunisisarnermik unitsitsisariaqassaaq, tassa qerititsiviit ulikkaarnerat pissutigalugu, Palle Jerimiassen tusagassiorfinnut nalunaaruteqarnermini oqarpoq.

- Imartatta maanna suli sikoqannginnerani uggornartupilussuussaaq aalisakkanik tunisineq unitsinneqassappat, tassa ilaqutariippassuit aalisarnermik inuussuteqarttut eqqorneqassapput.

- RAL siusinnerusukkut angalaffissatut pilersaarautit avataasigut assartuummik umiarsualiisarsimavoq. Avannaata Kommunianit taamaammaat Royal Arctic Line kaammattorparput, ilaqutariippassuit illoqarfimmilu aalisakkeriviit tunisinerup unitsinneqaarneranik eqqorneqarnissaat pinngitsoortinniarlugu assartuummik umiarsualeeqqullugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER