Kommune eqqakkanik immikkoortiterisalerpoq
Kommune Kujallermi siunissami allaffiit tamarmik eqqakkanik immikkoortiterisalissapput, kommunip allaffia taamaaliortalerpoq.
Mammalaajap puukua, tinguaqqap puukua, makraalip puukua, imeruersaatip puukua, nerisakut allallu Qaqortumi kommunip allaffiani eqqaavimmut ataatsimut iginneqartarunnaassapput.
Kommune Kujallermi nittartakkami nutaarsiassami tamanna atorneqarsinnaavoq.
Suliffik avatangiisinut pinngortitamullu mingutitsinngitsoq siunertaavoq, allattoqarfimmi pisortaq Max Heilmann Larsen taama oqarpoq. Eqqakkat savimminiusut igalaamerngillu atoqqissinnaapput immikkoortikkallu eqqaavissualiaanneqartartut Danmarkimut nassiunneqartartut atoqqinneqarsinnaasullu, taanna ilisimatitsivoq.
Tamannalu pitsaasuusoq, Esani A/S-imi pisortaq, Frank Rasmussen isumaqarpoq:
- Eqqakkaminni tamakku immikkoortitertaleraat ajunngilluinnarpoq, taakku ikuallatassat akornanniittussaanngimmata.
Igalaamerngit Danmarkiliartut akeqarput
Qillertuusat Danmarkimut nassiunneqartartut, tassanilu atoqqinneqartartut, Frank Rasmussenip oqaatigaa. Illuanik igalaaminernik Danmarkimut nassiussisoqartannginnissaa Esani A/S-ip innersuutinngilaa. Kisianni oqarpoq:
- Oqanngilagut taamaaliortoqassanngitsoq. Kisianni akeqarpoq, tassami Danmarkimi igalaamerngit tunniutissallugit akisummat.
Igalaamineq sioraannaasoq oqaluttuarpoq, taamaattumillu aserorteriarlugu eqqakkanut assigisaanulluunniit qalliinermut atorneqarsinnaanerarpaa.
Siunissamut neriuut
Eqqaaviit immikkoortiteriviit Qaqortumi kommunip allaffiani immikkoortortaqarfinni ataasiakkaani inissinneqassasut, kommunip nittartagaani oqaatigineqarpoq.
Pilersaarutaavoq siunissami Kommune Kujalliup allaffeqarfii eqqaavinnik immikkoortiterilerumaarnissaat, aamma ilisimatitsissutigineqarpoq.
Aalajangerneq taanna Esani A/S-ip siunissami illut tamarmik igalaaminernik saviminernillu immikkoortiteriveqalernissaannik pilersaarutaanut taanna naleqquppoq.
Tamanna ilaatigut eqqakkanut ikuallaanerup nalinganik pitsaanerusumik kinguneqassaaq, pisortallu oqarnera naapertorlugu Nuummut imaluunniit Sisimiunut ikuallaavinnut nutaanut ukiup ataatsip missaa qaangiuppat nassiunneqartalissapput.