sulisoqarneq
Kommunadirektørissarsiortoqarallassasoq
Illoqarfiit pingaarnersaanni atorfik qaffasinnerpaamut piukkunnartumik qinnuteqartitsiuminaattoqarpoq.
Annonce
Naak Kommuneqarfik Sermersuumi atorfinititsinermut ataatsimiititaliaa qinnuteqaatinik arfineq pingasunik tigusaqarsimangaluartoq, kommuneqarfiup atorfimmut piumasaqaatitarisai naammassineqarsinnaasimanngillat. Taamaammat atorfik inuttassarsiuuteqqinneqartoq, Kommuneqarfik nittartakkamini paasissutissiivoq.
Tamanna isumaqarpoq, kommunaldirektøritut atorfeqarallartoq Lars Møller-Sørenseni tassani ingerlaannarallassasoq.
Pisortat allaffeqarfiini atorfimmut qaffasissumik piukkunnartumik kajumissaarineq ajornakusoornera, akissarsialluunniit qaammammut 100.000 koruunit missaaniikkaluarpata, naligiinnaasuunngilaq.