Kofod: Pituffik pillugu isumaqatigiissut akuersaarnarluinnarpoq
Pituffimmi kiffartuussinissamut isumaqatigiissummut tunngatillugu neqeroortitsinissamut piumasaqaatit nutaat malitsigisaannik, Kalaallit Nunaat Amerikamiut sakkutuuisa nunamiinnerannit iluaquserneqarnerussaaq, taamatut isumaqarpoq Danmarkimi nunanut allanut ministeri.
Ukiorpassuarni isumaqatiginninniartoqareersoq Pituffimmi kiffartuussinissamut isumaqatigiissummut tunngatillugu neqeroortitsinissamut piumasaqaatit nutaat USA-mik maanna isumaqatigiissutigineqarput.
Nunanut allanut ministeri Jeppe Kofod (Soc) isumaqarpoq, Kalaallit Nunaani anugsaq pillugu naammagisimaarinnilluarsinnaasoq.
Ministeri naapertorlugu isumaqatigiissuteqarnikkut Amerikamiut sakkutuuisa Kalaallit Nunaanniinnerat Kalaallit Nunaannut arlalitsigut iluaqusiissasoq:
- Isumaqatiginninniarneq ajornakusoorsimaqaaq. Taamaammat isumaqatigiissuteqarnerput ajugaanertut taaneqarsinnaavoq, Jeppe Kofod Sermitsiaq.AG-mut oqarpoq.
Kofodip Naalakkersuisut suleqatinilu Steen Lynge (D) nunanut allanut naalakkersuisuusoq, sivisuumik isumaqatiginninniarnermi suleqataalluarsimanerat pillugu nersualaarpai.
- Neqeroortitsinermi piumasaqaatit pitsaanerujussuit
Isumaqatigiissutip imaasa ilai eqqarsaatigalugit, Pituffimmi kiffartuussinissamut isumaqatigiissummi aalajangersimasumut tunngatillugu nunanut allanut ministerip nalilerpaa, 2014-imi isumaqatigiissutip Exelis Servicesimut tunniunneqarnerani kukkussuteqarsimaneq peqqissanngitsoq.
Jeppe Kofod naapertorlugu, 2014-imi pisimasumut sanilliullugu, neqeroortitsinissamut piumasaqaatit allarluinnaat maannakkut isumaqatigiissutigineqarsimapput:
- Piumasaqaatit pitsaanerujussuupput, isumaqatigiissutillu kalaallinut/danskinut tunniunneqarnissaa qulakkeerniarlugu pingaarnersiuisimanerit malillugit suliaallutik, Jeppe Kofod oqarpoq.
Isumaqatigiissummi piumasaqaatit tigussaasut ilaatigut tassaapput:
Neqerooruteqartup neqerooruteqarnermi ilaatut uppernarsassavaa, piffissami neqerooruteqarfigisamini aamma isumaqatigiissutip atuuffiani tamarmiusumi:
a. suliffeqarfiutini Danmarkimi Qitiusumik suliffeqarfinnik nalunaarsorsimaffimmi danskit kalaallilluunniit ingerlatseqatigiiffiattut nalunaarsorsimajuarnissaa
b. neqerooruteqartup piginneqatigiissutinut aningaasaliissutigisimasaasa affai sinnerlugit danskinit aamma/ imaluunniit kalaallinit ataasiakkaanit imaluunniit inatsisitigut pisinnaatitaallutillu pisussaatitaasunit pigineqassapput; aamma
c. inuk danskiunngitoq imallunniit kalaaliunngitsoq imalluunniit inatsisitigut pisinnaatitaananilu pisussaatitaanngitsoq neqerooruteqartumut "aalajangiisuusumik sunniuteqassanngilaq.1
2. Neqerooruteqartoq neqerooruteqarnermi ilaatut Danmarkimi Kalaallilluunniit Nunaanni aningaaserivimmit kiffartuussisutut atsiorsimasumit allakkammik neqerooruteqassaaq.
Aqutsisut Kalaallit Nunaanni najugaqassapput
sulisut affaat sinnerlugit Kalaallit Nunaanni najugaqartuussapput