Skip to main content

Københavnimi toqusoqareersoq oqartussaasut misissuilerput

Sianertoqarneranit minutsit 26-t aatsaat qaangiuttut ambulancet takkussimanerat annertuumik isornartorsiorneqarpoq - pisoq misissorneqalerpoq

Angut angerlarsimaffeqanngitsoq Københavnimi Amagerbro Stationimi toquvoq. Ambulancenut pingasoriarluni sianertoqareersoq ambulancet aatsaat tikiupput. 

Ambulancenut siullermik sianernermit tikiunnissaata tungaanut 26 minutsit atorneqarput. Tamanna sivisuallaarujussuartoq Region Hovedstadenip nassuerutigaa.

Sooq taama sivisutigisumik ambulancet aggerniarsimanersut misissorneqalerpoq. 

Sermitsiaq.AGp paasissutissaatai malillugit angut kalaaliuvoq 32-nik ukioqartoq. 

- Siullermit sianertoqarneranit ambulancep apuunnissaata tungaanut piffissaq sivisuallaarujussuarpoq. Ambulance takkummat angut ajoraluartumik anerningereersimavoq, vagtcentralenimi pisortaq Marit Karin oqarpoq. 

Angerlarsimaffeqanngitsut peqatigiiffiisa pitsanngorsaateqartoqarnissaa pisariaqartippaat, aamma assingusumik ukiup affaa matuma siorna pisoqarpoq. 

- Pitsanngoriaateqartoqarsimanngilaq. Taamatut pisoqaqqinnera annilaarnarpoq. Arlaleriarluni taamaattoqartareerpoq, soorlu ilikkarneqarsimassagaluartoq,Sofie Bay-Petersen, Sandimeersoq, oqarpoq.

Pisoq annertunerusumik misissuiffigineqaleruttorpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER