Skip to main content

Københavnimi Kalaallit Illuutaanni saqqummiisoqarlunilu saqqummersitsisoqassaaq

Piujuaannartitsinissaq najoqqutaralugu piniartarneq pillugu marlunngornermi saqqummiisoqarlunilu oqallititsisoqassaaq. Inuuteq Kriegel aamma Filip Gielda Kalaallit Illuutaanni pingasunngorpat saqqummersitsissapput

'Piujuaannartitsinissaq najoqqutaralugu Kalaallit Nunaanni piniartarneq' pillugu dr. scient. Hans Meltofte saqqummiisoralugu nalunaaqutaq 17.00-mit oqallinneq aallartinneqassaaq. Issittumi Siunnersuisooqatigiinni uumasunut naasunullu Issittumi nalunaarusiortarnermi aaqqiuisuuneruvoq. 

Issittumi Siunnersuisooqatigiivisa misissuisarsuisa Issittumi uumasut naasullu annertuumik misissoqqammerpai, kiisalu silaannaap kissatsikkiartornerata sunniutai aamma misissorneqarlutik, Københavnimi Kalaallit Illuutaat nutaarsiassaqartitsivimmini nutaarsiassiivoq. 

- Kalaallit Nunaanni pisuussutit atorluarneqarnissaat pingaarutigineqartarpoq. Appat Kalaallit Nunaata kitaani ukiut 70-it matuma siornamit ikinnerujussuupput, 4 procentiinnanngorsimallutik, nalunaarusiami ilaatigut allaqqasoqarpoq. 

Hans Meltoftep annertuallaamik piniartoqartarnera ilaatigut saqqummiinermini ilanngutissavaa, tamannalu aamma oqallisigineqassalluni. 

Saqqummersitsineq '13'
Assinik saqqummersitsineq '13'-mik qulequtserneqartoq pisortatigoortumik siullermeerluni saqqummersitsinerussaaq. Inuuteq Kriegelip Filip Gieldallu kalaallit ilisimaneqartut 13-t assilivaat, illoqarfimmi Nuummi malunnaateqarluartuusut Kalaallit Illuutaat nalunaaruteqarpoq. 

- Saqqummersinneqartuni assit ilaat qaqortumik qernertumillu qalipaateqartuupput qanilaarlutik apersuinertaqarlutillu. Assilineqartut inuunerat maannakkullu Kalaallit Nunaata inuunerannut sanillersuunneqarluni, nalunaarutigineqarpoq. 

Inuuteq Kriegel Filip Gieldalu saqqummersitsinerup ammarnerani peqataassapput. 

Greenland Eyes Film International Festivaleqarneranut saqqummersitsineq attuumassuteqarpoq. Festivali septembarip 18-anit 24-at ilanngullugu ingerlanneqarpoq 

Assit marluk ataani takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER