Kodap nersornaasiuttagaanik kikkut nersornaaserneqarnissamut innersuunneqarsimanersut takukkit
Kalaallit Nunaanni nipilersortartut Koda Awardip nersornaammik arfininngorpat agguaassineranut atatillugu nalliuttorsiussapput. Kikkut innersuunneqarsimanersut takuuk.
Kalaallit nipilersortartut arfininngorpat Kodap nersorsaasiuttagaanik agguaassisoqarnerani nersorniarneqassapput, 2020-mi nersornaasiinissaq coronap tuniluunnera pissutigalugu taamaatiinnarneqarsimavoq.
Nersornaasiineq Hotel Hans Egedemi Nuummiittumi ingerlanneqassaaq, tassani immikkut qaaqqusat kisimik peqataasinnaapput. Allat nipilersornermik soqutigisallit ileqquusumik nersornaasiineq tv-kkut malinnaaffigisinnaavaat.
Nersornaaserneqartussanik naliliisartut nersornaaaserneqartussatut innersuunneqarsimasut tamanut saqqummiuteqqammerpaat. Naliliisartut tassaapput NR-imit Aminnguaq Dahl Petrussen, Katuamit Eigil Petersenq aamma Nipilersortartut kattuffiannit NN-imit Georg Olsen kiisalu Kodamit sinniisuutitat pingasut, tassaasut Katsi Kleist Eriksen, Peter Tuusi Motzfeldt aamma Jensia Højgaard Dam.
Innersuunneqarsimasut tassaapput
Ukiumut Nersornaat 2019
Tarrak (Josef Tarrak Petrussen)
Rasmus Lyberth
Gerth (Gerth Lyberth)
Ukiumut Nersornaat 2020
ÎVA
Pukuut
Varna
Isumalluarnartumut Nersornaat
Zika (Ida Kleist)
Jens Kleist
Andachan (Anda Otto Schmidt)
Ataqqinaammik nersornaat aamma tunniunneqassaaq.
Nersornaatinik agguaassineq arfininngorpat unnukkut nal. 19.50 KNR-tv-kkut malinnaaffigineqarsinnaavoq.