Skip to main content

Koda Awardsimut kikkut innersuunneqarnersut takukkit

Nipilersoqatigiit pingasut 2015-imi saqqummersitsisut Ukiumut Nersornaammut innersuunneqarput

Koda nersornaaseeqqinnissaminut maanna Koda Awardsimut piareerpoq.

Nersornaasiineq arfininngornermi oktobarip 29-anni Katuap inersuaaraani, nalunaaqutaq 20.00 - 21.00 akornanni pissaaq.

Aaqqissuussaq tamanut ammavoq, isernerlu akeqanngilaq.

Atuaruk: Koda Awards kinguartinneqarpoq

Ukiumut Nersornaat
Ukioq manna nersornaasiinissami pisarnertut Ukiumut Nersornaat 2015, tassa 2015-mi nunatsinni saqqummersitsisimasuni erinniortoq nersornaaserneqassaaq. Kiisalu Ataqqinaammik Nersornaat 2016 ukioq manna tunniunneqassaaq, taamaalillunilu aappaagu aatsaat isumalluarnartutut nersornaat tunniunneqartussaalluni, paarlakaattumik.

Ukiumut Nersornaat 2015-imut innersuunneqartut ukuupput:

  • Ilannguaq Kristiansen (Rockstones)
  • Jonas Fleischer (Maalia & Jonas)
  • Inunnguaq Petrussen (INUK)

Piukkunnartorpassuit
- Innersuussat tamarmik piukkunnarluarput immikkuullarissuteqarlutillu. Rocki sakkortooq Rockstonesikkunni, qitigissat qiimasut Maalia & Jonasikkunni, kiisalu Inuk sallaatsunik oqimaalaartunillu saqqummersitsisimanerminni, Kimmernaq Kjeldsen, Koda Awards dommerkomité sinnerlugu tusagassiuutinut nalunaarummi erseqqissaavoq.

Ataqqinaammut Nersornaat Koda Awardsimi tunniunneqassaaq, tassaassallunilu immikkut nipilersornikkut sunniutilimmik angusaqarsimasoq.

Atuaruk: Koda Greenland Awards 2015 tunniunneqartut nalinginnaasumik amerlanerusut

Aaqqissuussaaneq nutaaq
Ukioq manna Koda Awards nutaatut aaqqissuunneqarpoq, nersornaaserneqartussanullu aalajangiisussat dommerkomité allanngortinneqarluni. D
emokratiskiunerusumillu attuumassuteqanngitsunillu inuttalersorlugu, aaqqissuisut ilisimatitsipput.

Nuna tamakkerlugu kattuffik EPI, nuna tamakkerlugu tusagassiorfiit KNR, Sermitsiaq aamma AG, kiisalu Koda, sinniisussaminnik tamarmik immikkut toqqaapput dommerkomitémiittussanik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER