Københavnimi Kalaallit Nunaannit takussutissat tusarnaarlutit paasisaqarfigikkit
Takussutissat oqaluttuartassaannik immiussaq aqqutigalugu, danskit danskit-kalaallit oqaluttuassartaannik ilisimasaqarnerulersinneqarlutillu, Danmarkimi illloqarfiit pingaarnersaani Christianshavnimi Kalaallit Nunaannit takussutissat aqqutigalugit soqutiginnittut oqaluttuunneqassapput.
Kalaallit Nunaata Danmarkillu oqaluttuarisaanerat imminnut ataqatigiilluinnarpoq, taamaammat Danmarkimi illoqarfiit pingaarnersaanni Kalaallit Nunaanneersunik takussutissarpassuaqarpoq.
Takussutissat taakku aqqutigalugit danskiullunilu kalaallip Siri Paulsenip Norgemilu tusagassiortup Maari Noodtip radiokkut paasissutissiissut suliarisimavaat, ilaatigut danskit soqutiginnittullu allat Kalaallit Nunaannik ilisimasaqarnerulersinniarlugit:
- Danskit kalaallillu attaqatigiinnera annaassinnaanngilara, ataatsimulli oqaluttuarisaanitsinni immikkuualuttut soqutiginartitakka ingerlateqqissinnaavakka.
- Kalaallit Nunaannit Takussutissanit suleqatinga tusagassiortoq Norgeminngaanneersoq Mari peqatigalugu, Christianshavnimi maani pisuttuaqatigivatsigit, danskit-kalaallit ataqatigiinnerat misissorniarlugu, SiriPaulsen Kalaallit Nunaannit Takussutissanik ilisarititsinermi oqarpoq.
- Kalaallit Nunaat pillugu paasisaqarnerugit
-Kalaallit Nunaat pillugu aamma Kalaallit Nunaata Danmarkimi inissisimanera pillugu paasisaqarnerorusukkuit ilisarititsissutitut immiussaq maanna aallarniutissaqqissuuvoq, Siri Paulsen tusagassiorfinnut nalunaaruteqarnermi allappoq.
Immiussami ilisaritinneqartut Christianshavns Torvemi aallartipput Nordatlantisk Bryggemilu naallutik, pisuttuarnerlu nalunaaquttap akunnerata ataatsip missaani sivisussuseqarpoq.
Ilisarititsineq akeqanngilaq, uanilu nassaarineqarsinnaalluni, sporafgronland.wordpress.com.