Skip to main content

Københavnimi eqqissiviilliortoqarmat inuit 23-t politiinit tigusarineqarput

Inuup ataatsip akerliussutsimik takutitsinera sakkortuumik eqqissiviilliornermik pilersitsivoq

Københavnimi ippassaq sapaammi Nørrebromi Rasmus Paludansimi eqqissiviilliortoqarmat inuit 23-t politiinit tigusarineqarput.

Taakkunannga arfinillit tunngaviusumik inatsit naapertorlugu ataasinngornermi killisiorneqassallutik, politiit nalunaaqutaq 07:45 paasissutissiipput.

Inuit pingasut ataasinngornerup ullaakkuani ikuallatsitsimasutut eqqartuussisumut sassartinneqassapput. Allat pingasut politiimut persuttaasimasutut unnerluutigineqarput. Unnerluutigineqartut suiaassusaat ukiuilu pissarsiarineqarsinnaasimanngillat.

Partiimik pilersitsisimasoq Rasmus Paludan Blågårds Pladsimi akerliussutsimik takutitsinerata kingorna eqqissiviilliornerit pilerput.

Politiit naapertorlugit taanna saassunneqarsimavoq, tamatumalu kingorna eqqissiviilliornerit aallartillutik ilaatigut  politiit ujaqqanik miloriarneqartarsimallutik.

- Ullup ingerlanerani 1000-t sinnerlugit 112-imut saaffiginnissimapput. Tamanna sapaatinut allanut sanillersuullugu sisamariaammik qaffasinneruvoq. Tassa ulapaarfiungaatsiarsimavoq, Tim Ole Simonsen Ritzau-imut oqarpoq.

Innuttaasut ernumallutik containerit biilit aqqusinermilu ikuallattoqarneranik nalunaarutiginnittarsimapput.

Ikuallattunut ornigunnerit 90-it sinneqalaarput, taakkunannga 70 missaat eqqissiviilliortoqarneranut peqquteqarput.

Inuit 100-jut missaat sillimatinneqarsimapput, Beredskab Øst-enilu suleqatigalugu saaffiginnissutit tamarmik orninneqarsimallutik. Sapaammi ualineraniit unnuamut ulapaarfiunerpaasimavoq.

- Sapaammi nalunaaqutaq sisamap missaani aallartipput, unnuaannakkullu nalunaaqutap sisamap missaata tungaanut ulapingaatsiarpugut, Tim Ole Simonsen oqarpoq.

Rasmus Paludanip partii islamisiortunik isorinnittoq Stram Kurs atserlugu pilersitsisuuvoq.

Taassuma saqqummertariaasia politikerinit nuimanerpaanit sakkortuumik uparuarneqartarsimavoq. Ministeriunerullu Lars Løkke Rasmussenip (V), akerliussutsimik takutitsineq “isumaqanngitsumik oqqassaarinertut” isigaa.

Rasmus Paludan qaammatip ingerlanerani ammip qalipaataanik immikkoortitsisutut pisuutinneqarpoq, ullunilu 14-ini isertitsivimmiitinneqartussanngorluni. Pineqaatissiissut ingerlannaq suliareqqitassanngortippaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER